ئایار 07, 2021

مەسرور بارزانی و وەزیری دەرەوەی تورکیا پەیوەندییەکی تەلەفۆنیان ئەنجامدا

سەرۆکی حکومەتی هەرێمی کوردستان مەسرور بارزانی ئێوارەی ئەمڕۆ چوارشەممە 14ی نیسانی 2021 لەگەڵ وەزیری دەرەوەی تورکیا مەولود چاووشئۆغلۆ گفتوگۆیان دەربارەی هێرشی تیرۆریستیی سەر فڕۆکەخانەی نێودەوڵەتی هەولێر و بنکەی سەربازی باشیک کرد.

هەردوولا بە تووندترین شێوە هێرشەکانیان سەرکۆنە و ئیدانە کرد و لە نزیکەوە لە پەیوەندیدا دەبن . لێکۆڵینەوەش لە هێرشەکان بەردەوامە.

پێشتر سەرۆکی حکومەتی هەرێمی کوردستان لەبارەی هێرشەکە رایگەیاندبوو: ''هێرشەکانی ئەم دواییە هەوڵێکی زۆر دیار و ئاشکران بۆ تێکدانی ئارامیی و ئاسایشی ئێمە و هەماهەنگیمان لەگەڵ هاوپەیمانی نێودەوڵەتی''.

هەروەها راشیگەیاندبوو: ''خەڵکی هەرێمی کوردستان دڵنیا دەکەمەوە کە ئەندامانی گرووپی تیرۆریستی پشت ئەم هێرشەی ئەمشەو، باجی کردەوەکانیان دەدەن''.

هێرشەکە بەهۆی فڕۆکەیەکی بێفڕۆکەوانی بۆمبڕێژکراو ئەنجامدرا و هیچ زیانێکی گیانی بەدواوە نەبوو، ئامانجەکەشی هێزەکانی هاوپەیمانان بوو لە فڕۆکەخانەی نێودەوڵەتی هەولێر.

© 2017 Hawler