ئایار 07, 2021

ئا:نەسرین حەسەن

 

رۆژی چوارشەممە 28 مانگ "جۆ بایدن" سەرۆكی ویلایەتە یەكگرتووەكانی ئەمەریكا بە بۆنەی تێپەربوونی 100 رۆژ لە سەرۆكایەتی گوتارێكی پێشكەش كرد،بەڵام ئەوەی كاردانەوەی زۆری لە میدیاكاندا بە دوای خۆیدا هێنا، دەركەوتنی دوو ئافرەتی بەهێز" كامالا هاریس" جێگری سەرۆكی ئەمەریكا و "نانسی بیلوسی" سەرۆكی پەرلەمان بوو كە لە كاتی پێشكەشكردنی گوتارەكەی "جۆ بایدن" لە گەڵیدا بوون كە لە مێژووی ئەمەریكادا وێنەی نەبووە

-"ئەنجوومەنی پەرلەمانی راوێژی ئەوروپا " كە رێكخراوێكی نێودەوڵەتییە و داكۆكی لە مافی مرۆڤ و دیموكراسی دەكات، خەڵاتی " واتسلاوهاولی"ساڵانەی بەخشی بە "لجین الهزلول" كە ئافرەتێكی چالاكوانی مافی مرۆڤە و خەڵكی سعودیە و تازە لە زیندان ئازاد كراوە، ئەو خەڵاتە نرخەكەی 60هەزار یۆرۆیە و ساڵانە بە هاوكاری و هاوبەشی نوسینگەی"واتسلاوهاولی" و دامەزراوەی" شارت 77" لە پراگ دەبەخشرێتە ئەو چالاكوانانەی لە بواری مافی مرۆڤ ئیش دەكەن .
    
- بە پێی ئامارەكانی رێكخراوی یۆنیسێف كچان لە تەواوی جیهاندا رووبەرووی توندوتیژی دەبنەوە، 34 میلیۆن كچ لە خوێندنی سەرەتایی بێبەشن، 200 میلیۆن كچ خەتەنە كراون، و ساڵانە 3 میلیۆن كچ لە مەترسی خەتەنەكردن دان، هەروەها ساڵانە 12 میلیۆن كچی بچوك واتا ژێر تەمەنی 18 ساڵ لە ناوچە جیاوازەكانی دونیادا ناچار دەكرێن هاوسەرگیری بكەن و لە ئێستادا لە هەر 5 ئافرەت، یەكێكیان لە خوار تەمەنی 18 ساڵی هاوسەرگیری كردووە و زۆربەی ئەو ئافرەتانەی لە لایەن هاوسەرەكانیانەوە رووبەرووی توندوتیژی دەبنەوە ئەو كچانەن كە بە تەمەنی بچوك هاوسەرگیری دەكەن.
    
 - ئەنجوومەنی پزیشكانی منداڵان لە ئەمەریكا هوشداری دەدەات بەو دایكانەی كە شیری خۆیان بە مندالەكانیان دەدەن بەوەی كە خۆیان بە دوور بگرن لە جوانكاری لە رێگەی بۆتۆكسەوە،چونكە كاریگەری نەرینی هەیە بۆ سەر شیرەكە و دواتریش بۆ مندال دەگوازرێتەوە، هەروەها ئاماژە بەوە دەدات كە پێویستە ئەو دایكانە بەر لە هەر جوانكارییەك راوێژ لەگەڵ پزیشك بكەن یان تا ئەو كاتەی شیر بە منداڵەكانیان دەدەن جوانكاری ئەنجام نەدەن.

"د. بانی نگ" سەرپرشتیاری لێكۆڵینەوەكان لە بارەی لە بارچوونی منداڵ رای وایە كە كێشی زۆر كم یان قەڵەوی ئافرەت لە كاتی دووگیانیدا مەترسی لە بارچوونی منداڵ زیاد دەكات، بۆیە ئافرەتان پێویستە بەر لە دووگیانی چاودێری كێشی خۆیان بكەن و بە راوێژ لەگەڵ پزیشكی تایبەت هاوسەنگی لەكێشیاندا دروست بكەن.  

© 2017 Hawler