شوبات 19, 2018

شاندی کوردستان پرۆژەکانی لە کۆنگرەی ئاوەدانکردنەوەی عێراق دەخاتەڕوو

لە کۆنگرەی بونیادنانەوەی عێراقدا لە کوەیت، کەرتەکانی پەروەردە و تەندروستی بەشێکن لە پلانی ئاوەدانکردنەوە، شاندی هەرێمی کوردستان بەشداری لە کۆنگرەکە دەکات و، پرۆژەکانی خۆی لە بواری تەندروستی، پەروەردە و بوارەکانی دیکەش دەخاتەروو.

وەزارەتی تەندروستی حکومەتی هەرێمی کوردستان، بەهۆی قەیرانی دارایی 10 پرۆژەی بواری تەندروستی راگرتووە و گرێبەستی 19 پرۆژەی لەگەڵ وەبەرهێنەران هەڵوەشاندووەتەوە.
ڤیان محەممەد، بەڕێوەبەری پلاندانان لە وەزارەتی تەندروستی حکومەتی هەرێمی کوردستان راگەیاند، جگە لە پرۆژە راگیراوەکان بەشێکی نەخۆشخانە و بنکە تەندروستییەکان کۆنن و دەبێت نۆژەن بکرێنەوە.
وەزارەتی تەندروستی بە گشتی 122 پرۆژەی جۆراوجۆری پێویستە لە دروستکردن و نۆژەنکردنەوەی نەخۆشخانە و پرۆژەی تەندروستی دیکە، کە بڕی تێچوونیان زیاترە لە 450 ملیار دینار.
وەزارەتی تەندروستی پێویستییەکانی بەمشێوەیە دابەش کردووە: هەولێر 45 پرۆژەی جۆراوجۆر، دهۆک 44 پرۆژە، سلێمانی 26 پرۆژە. لە لایەکی دیکەوە بەپێی ئامارەکانی وەزارەتی پەروەردەی حکومەتی هەرێمی کوردستان: لە ماوەی 10 ساڵی داهاتوودا، کەرتی پەروەردە پێویستی بە دروستکردنی نزیکەی دوو هەزار قوتابخانە و باڵەخانەی پەروەردەیی دەبێت لە سەرجەم شار و شارۆچەکەکانی هەرێمی کوردستان، بۆ ئەوەی سیستمی پەروەردە بەشێوەیەکی مۆدێرن بەڕێوەبچێت.
یوسف عوسمان، بەڕێوەبەری پلاندانان لە وەزارەتی پەروەردەی حکومەتی هەرێمی کوردستان راگەیاند "لەدوای ساڵی 2014ـەوە بەهۆی قەیرانی دارایی، نزیکەی 300 باڵەخانەی قوتابخانە و پرۆژەی پەروەردەیی راگیراون، کە بە رێژەی جیاواز کاریان تێدا کراوە".
کۆنگرەی ئاوەدانکردنەوەی عێراق بە دوو شێوە پرۆژە دەخاتە بەردەم بەشداربووانی: بەشێکیان ئەو پرۆژە خزمەتگوزارییانەن کە دەبێت زوو جێبەجێبکرێن و بۆ دابینکردنی بودجەکەی پشت بە کۆمەک دەبەستێت، وەک دروستکردنی نەخۆشخانە و قوتابخانە و خزمەتگوزارییە سەرەتاییەکان، بەشێکی دیکە وەکو پرۆژەی وەبەرهێنەران ئەژمار دەکرێن و دەخرێنە بەردەم وەبەرهێنەران بۆ ئەوەی وەبەرهێنانی تێدا بکەن.

لە رووداوەوە

Trending Now

ئه‌رشیف رۆژنامه‌كان

ک دووەم 07, 2018 Rate: 0.00

جۆلانەکەی عێراق

جۆلانەکەی عێراق

ک دووەم 08, 2018 Rate: 0.00

© 2017 Hawler

Please publish modules in offcanvas position.