حوزەیران 17, 2019

ئایا بە خواردنی میوە دەتوانین ڕێگە لە پیربوون بگرین؟

بە گوێرەی توێژینەوەیەك لە زانكۆی مینیسوتای ئەمەریكایی، زانایانی ئەو توێژینەوەیە توانیان رێگەیەكی ئاسان دابنێن بۆ رێگریكردن لە پیربوون ئەمەش لەسەر بنەمای خواردنی میوە و سەوزەكان، ئاماژە بەوە دەكەن كە فەراولە و كیوی و تەماتە و خیار لەو میوە و سەوزانەن كە توانای ڕێگری كردنیان هەیە لە زوو پیربوون.

لە رێگەی تاقیكردنەوەكاندا كە لە زانكۆی ناوبراو ئەنجام درا لەبارەی كاریگەریی میوە و سەوزە بەسەر گۆڕانكارییەكانی جەستە بەهۆی پیربوونەوە، زانایان دووپاتیان لە خواردنی رۆژانەی هەندێك جۆری سەوزە و میوە كردەوە كە سەرتای دیاركەوتنی پیری و گۆڕانكاری لە لەشدا بەهۆی بەتەمەنداچوونەوە، دوا دەخەن، بۆیان دەركەوت كە تەماتە و خیار و فەراولە هەمان كاریگەریان هەیە.
وەك ئاماژەیان كرد كە ئەو میوانە بڕێكی زۆری مادەی فیزیتینیان تێدایە كە یاریدەرە بۆ لەناوبردنی خانە كۆنەكان لە لەشدا، بەوەیش نوێبوونەوەی خانەكان دروست دەكەن كە ئەو پرۆسەیە راستەوخۆ لە رێگەی سیستەمی بەرگرییەوە لە لەشی مرۆڤدا روودەدات، بەڵام لەگەڵ چوونە ناو تەمەنەوە بەرگری لەش لاواز دەبێت و ئەویەش هۆكاری داخورانی لەشە.
جیا لەوەی فیزیتین هەڵدەستێت بە لەناوبردنی خانە بەكارهاتوو و كۆنەكان، لە رێگەی سستكردنی دیاركەوتنیان ژمارەیشیان كەم دەكاتەوە، بۆیە وەك زانایانی زانكۆی مینیسوتا دەڵێن، ئەو مادە بە درێژایی تەمەن كار بۆ نوێكردنەوەی خانەكان و سستكردنی پیربوون دەكات.

 

ئەژین عەبدوڵڵا-هەولێر

© 2017 Hawler