تشرینی یەکەم 14, 2019

بۆچی ڕۆژووەوان دوچاری سەرئێشە دەبێت؟

بەڕۆژ یانیش لە دوای بەربانگ بەشێكی ڕۆژوەوانان دووچاری سەر ئێشە دەبن، بە گوتەی پزیشكانیش مەرج نییە هەموو سەرئێشەیەك دەرمانی بۆ بەكار بهێندێت و دەتوانن بەچەند ڕێگەیەكی سروشتی چارەسەری سەر ئێشەكەت بكەیت.

ڕۆژووەوان بۆ ئەوەی دوچاری سەر ئێشە نەبێت لە مانگی ڕەمەزاندا پێویستە ئەم خاڵانە جێبەجێ بكات:
*كاتەكانی خەوتنت ڕێكبخە، چونكە نەخەوتن و ماندووبوونی زۆر هۆكاری سەرەكی دروستبوونی ئازاری سەرە، هەوڵبدە پێش پارشێو بخەویت نابێت دابنیشیت تا بەیانی.
*لە ڕۆژدا و لەكاتی ڕۆژوودا، زۆر خۆت ماندوو مەكە، كارێك مەكە لە توانای تۆدا نەبێت.
*دەمەو ئێواران و بەتایبەت لەدوای نیوەڕۆ وە، ئاگاداربە لە خۆشتن بە ئاوی زۆر سارد یان زۆر گەرم، چونكە هۆكاری گرژبوونی ماسولكەكانە و دەبێتە هۆی دروستبوونی سەرئێشەیە.
*خۆت بپارێزە لە زۆر بەركەوتنی تیشكی خۆر لە ڕۆژداو بە شوێنانەشدا كە گوزەر دەكەیت هەوڵبدە لەژێر سێبەر بڕۆیتس و كڵاو بەكار بهێنیت.
* كاتێك ڕۆژو دەشكێنیت، خێرا بە شیرینی و شەربەت مەیشكێنە، چونكە گەدەت خاڵیەو شەكری خوێنت بەرزدەكاتەوە، بۆیە پێویستە و هەروەك لە فەرموودەی پێغەمبەریشدا محەمەد درودی خوای لەسەربێت هاتووە بە چەند دنكە خورمایەك ڕۆژوەكەت بشكێنیت و پاشان ئاو بخۆیتەوە، تا لەشت لەو وشكبونەوە ڕزگاری بێت.
*پارشێوان خۆت لە خواردنی چەور بپارێزە، بەتایبەت ئەو خۆراكانەی ڕێژەیەكی زۆر زەیتی تێدایە، یان ئەو خۆراكانەی دەبنەهۆی هەڵئاوسانی گەدە، چونكە هەردوو جۆری ئەم خۆراكانە دەبێتەهۆی ئازارانی گەدە و سەرت، لەبری ئەوە ماست یان شیری بێ چەوری و میوە و سەوزەوات بخۆ.
*دوای بەربانگ خێرا دەرمان و چارەسەری ئازارشكێن بەكارمەهێنە، كەمێك چاوڕێ بكە تا چاییەك دەخۆیت، چونكە ڕەنگە بەهۆی نەمانی كافاین بێت لە لەشدا تووشی ئازاری سەرت بووبێت.

 

ماكوان عيززه‌‌ت - هەولێر

© 2017 Hawler