ئاب 23, 2019

تیمەكانی تەندروستی بەردەوامن لە چاودێریی بازاڕ

بەمەبەستی زیاتر كۆنتڕۆڵكردنی ڕەوشی بازاڕ و هۆشیاركردنەوەی خاوەن فرۆشگاكان، تیمەكانی چاودێری تەندروستی بەردەوامن لە پشكنین و پێدانی ڕێنمایی.
د. سەرهەنگ جەلال بەڕێوبەری كاروباری پاراستنی تەنردوستی هەولێر ڕوونی كردەوە: بە بۆنەی هاتنی مانگی ڕەمەزان و زیاتر خواست لە سەر خواردن و خواردنەوەكان، تیمەكانی چاودێری تەندروستی بەڕێوبەرایەتیمان لە شەوانی مانگی ڕەمەزاندا كارەكانیان زیاتر چڕكردوەتەوە جگە لە بەیانیانیش بە دوو كاتی جیاواز (عەسران و شەوان) بەردەوامن لە چاودێری و پشكنین و بەدواداچوونی سەرجەم دووكانەكانی ناوشار و كۆڵانەكان لە پێناو پاراستنی تەندروستی هاووڵاتیان.
د. سەرهەنگ جەلال داوای لە هاووڵاتیانیشكرد كە خۆیان بەدوور بگرن لە خواردنی سەردانەپۆشرا و سەرشەقامەكان، ئەمەش بۆ زیاتر پاراستنی تەندروستیان، هاوكات داواشیان لێدەكات لەكاتی بینینی هەر سەرپێچیەك دەست بەجێ تیمەكانیان ئاگاداربكەنەوە بە ژمارە تەلەفۆنی 07504569067بۆ پشكنینو بەدواداچوون.

 

ماكوان عيززه‌‌ت-هەولێر

© 2017 Hawler