ئایار 21, 2019

هەڵمەتێكی فراوان بۆ سەوزكردنی شاری هەولێر

زیادبوونی ڕێژەی سەوزایی لە شاری هەولێری پایتەختی هەرێمی كوردستان كارێكی زۆر پێویستە و دەبێ هەموو لایەك بەبێ جیاوازی كاری بەردەوامی بۆ بكات، بە تایبەتی لایەنە پەیوەندارەكان،بۆیە خۆشبەختانە دەبینین بەڕێوەبەرایەتی ئەندازەی پارك و باخچەكان ڕۆژانە خەریكی ئەنجامدانی ئەو هەڵمەتەیە و بە شێوەیەكی هەرەوەزی كار بۆ ئەو مەبەستە دەكەن ئەوەی كە زۆر بەرچاویشە هەڵمەتەكە بە بەرهەمی خۆماڵی دەكرێ و ژمارەیەكی زۆری گوڵی هەمیشەیی و وەرزی و هەزاران داری گەورە و بچووك لە نێو شارەكەدا دەڕوێنرێت، بەو كارەش ڕێژەی سەوزایی بەرەو باشی دەچێت و بە ماوەیەكی كوورت شارەكە سەوز دەبێتەوە و كاریگەری تەواویشی دەبێت لەسەر پاك و خاوێنی ژینگە و ئاو و هەوا، جگە لەوەش شارەكەمان بە شێوەیەكی جوان و ڕازاوە خۆی نمایش دەكات و كاریگەری دەروونیشی دەبێ بۆ هەموو هاووڵاتیەك كە تێیدا دەحەسێتەوە یان بەلایدا تێدەپەڕێت، بۆیە دەبێ ڕۆڵی هەموو ئەوانە بە بەرزییەوە بنرخێنین كە بە گیانێكی هەست بە بەرپرسیارەتی لەو هەڵمەتە بەرچاوە بەشدار دەبێت.

 

محەمەد سەعید كوردە - هه‌ولێر

© 2017 Hawler