ئاب 23, 2019

مەریوان سەفادین : بە نیازم لەگەڕانەوەی ئەمجارەمدا بۆ كـوردستان چەند پرۆژەیەكی گرنگی هونەریی تەواو بكەم

هونەرمەندانی گۆرانبێژ (مەریوان سەفائەدین) بەنیازە لە بەهاری ئەم ساڵدا كۆنسێرتێكی جەماوەری لە شاری "هەڵەبجەی شەهید" هاوڕێ لەگەڵ هونەرمەند (ئاریان كەریم) ساز بكات، ئەو كۆنسێرتە دەبێتە یەكەم چالاكی هونەرمەند (مەریوان سەفا ئەدین)، كە لە شارەكەی خۆی بە ئەنجامی بگەینێت، لە میانەی لێدوانێكی تایبەتدا بە خوێنەرانی "هەولێر"ـی راگەیاند: ئامانجی گەڕانەوەی ئەوجارەم بۆ كوردستان، سازكردنی ئەو كۆنسێرتەیە هاوڕێ لەگەڵ هونەرمەند (ئاریان كەریم)، هەروەها بە نیازم یەكێك لە گۆرانییەكانم كلیپ بكەم. جگە لەوانەش چەند پرۆژەیەكی دیكەم بەدەستەوەیە هیوادارم بتوانم بە شێوەیەكی باش كاری بۆ بكەم.
لە دەستپێكدا هونەرمەند (مەریوان سەفائەدین) لە بارەی ئەنجامدانی ئەو كۆنسێرتەی لە بەهاری ئەم ساڵ رایگەیاند: "بەنیازم لە سەرەتای مانگی ئاداری ئەم ساڵ بەسەردانێك بگەڕێمەوە بۆ كوردستان، لەو سەردانمدا یەكێك لەو كارو پرۆژە هونەرییانەی بەنیازم جێبەجێی بكەم، سازكردنی كۆنسێرتێكی جەماوەرییە بۆ شاری "هەڵەبجەی شەهید"ـی ئازیز، كە من دەمێكە پلانی ئەوەم هەبووە، چالاكییەكی لەو شێوەیە پێشكەشی هاوشاریانی خۆم بكەم".
لەبەشێكی دیكەی قسەكانیدا (مەریوان) ئەوەشی راگەیاند: "ئەو كۆنسێرتە نیازم وایە بەر لە یادی (16/3) پێشكەشی بكەم، لەگەڵ هونەرمەندی هاوڕێم (ئاریان كەریم) كۆنسێرتەكە بەڕێوە دەبەین، لەگەڵ گروپێكی میوزیكی پێشكەوتوو ئامادەكارییەكانمان دەست پێكردووە، هیوادارم بەشێوەیەكی باش بتوانین خۆمان ئامادە بكەین، چونكە ئەو كۆنسێرتە یەكەم پرۆژەی منە لە شارەكەی خۆم پێشكەشی جەماوەری ئازیزی "هەڵەبجەی شەهید"ـی بكەم".
بۆ كلیپكردنی یەكێك لەگۆرانییە تازەكانی هونەرمەند (مەریوان سەفائەدین) ئەوەشی راگەیاند: "دیارە كلیپ لەسەر ئەركی خۆمان كارێكی ئەستەمەو ئاسان نیە!، بەتایبەتی بۆ ئەو بارودۆخەی ئێستاكە لە كوردستان هەیە، بۆیە سوپاسی هاوكاری و پاڵپشتی كۆمپانیای بابیلۆن میدیا دەكەم، بۆ ئەنجامدانی كلیپەكانی رابردووشمان هاوكاری باشی كردویین، بەتایبەتی لەرووی هونەرییەوە، بۆیە هیوادارم لەو گەڕانەوەم بۆ كوردستان پاڵپشتی ئەو كۆمپانیایە یاخوود كۆمپانیای دیكەش هەبێت، بۆ ئەوەی بەشێوەیەكی باش كلیپەكەی ئەمجارەم پێشكەش بكەم".
لەكاری پێشووتریاندا هەردوو هونەرمەند (مەریوان سەرفائەدین و ئاریان كەریم) دوو گۆرانییان لە ژێر ناوی (هەناسە و كانی ئاشقانیان) بە شێوەی "دوێت" تۆمار و كلیپ كرد، ئایا جارێكی دیكە كارێكی لەو شێوەیە كۆیان ناكاتەوە؟ لەوەڵامدا (مەریوان) روونی كردەوەو گوتی: "من و هونەرمەند (ئاریان كەریم) هاوڕێین، جگە لەوەش هەردوولامان هاوشاریی یەكترین، ئەو دوو گۆرانیەشمان سەركەوتنی جوانی بەخۆیەوە بینی، بەشێوەیەكی سەركەوتوو لەناو گوێگراندا پێشوازی لێكرا، رەنگە لەو كۆنسێرتەدا بەیەكەوە گۆرانی بڵێن، بەڵام بۆ كاری "دوێت" لەداهاتوودا لەو كاتەدا بیرمان لە پرۆژەیەكی لەو شێوەیە نەكردۆتەوە، بەڵام بەشێوەیەكی گشتی ئێمە دەتوانین ئەمجارە لەو كۆنسێرتە جەماوەرییەدا لە شارەكەی خۆمان كاری زۆر باش پێشكەشی گوێگرانمان بكەین!
شیاوی ئاماژەیە، هونەرمەند (مەریوان سەفادین) لە ساڵی 1972 لە هەڵەبجە لە دایك بووە، تا ساڵی كیمیابارانەكەی 1988 لە شاری هەڵەبجە ژیاوە، لەو كارەساتەدا بریندار بووە،بەلام لە دوای ئەو ساڵەوەهاتووە لە شاری سلێمانی ژیانی بەسەر بردووە، بە هۆی كارەساتی كیمیابارانی هەڵەبجەوە نەیتوانیووە قۆناغەكانی خوێندن تا كۆتایی تەواو بكات، لە ساڵی 199٦وە لە ئەوروپا ژیان بەسەر دەبات،دووساڵلەئەڵمانیا،دەساڵلەئایسلەنداودەساڵیشەلەسویدژیان بەسەر دەبات، ژیانی هاوسەری پێكهێناوەوخاوەنیدوومنداڵەبەناوەكانی(هەناسەوهالینا)ژیانیهونەریی ئەو هونەرمەندە لە ساڵی 1993 دەستی بەكاری هونەرییكردووە، بەهاوكاری و هاوڕێیەتی هونەرمەند (بەهجەت یەحیا) دەستی بە كاری هونەری كردووە، هەر لەو ساڵەدا یەكەم بەرهەمی گۆرانی بەناوی (هەی باوە باوە) بڵاو كردۆتەوە، لە رێگەی تەلەفزیۆنەوەلە ساڵی 199 ٦شەش بەرهەمی گۆرانی بەشێوەی سنگڵ تۆما رو بڵاو كردەوە و ئەندامی تیپی مۆسیقای فۆلكلۆری كوردبووە، لەگەڵ چەند هونەرمەندێكی دیكەهەر لەگەڵ ئەو تیپە چەند كۆنسێرتێكمان لە شاری هەولێرو سلێمانی ئەنجامداوە، لە ساڵی 2002 یەكەم ئەلبومم بە ناوی (دیە) بڵاو كردەوە دواتر لە ساڵی 2٠٠٦ ئەلبومی دوهەمم بە ناوی (جێژوان) بڵاو كردەوە و هەتا ئەمڕۆ كۆمەڵێك بەرهەمیشم بە شێوەی سنگڵ بڵاو كردۆتەوە و لە نێوان ئەو ساڵانەدا لە چەندین كۆنسێرت و ئاهەنگو بۆنە نەتەوەییەكاندا بەشداریم كردووە.

 

عەبدولغەفار عەبدوڵڵا - هه‌ولێر

© 2017 Hawler