حوزەیران 24, 2019

كیژان ئیبراهیم خەیات كلیپی (گەڕانەوە) ی بڵاو كردەوە

خانمە گۆرانیبێژی دەنگخۆش كیژان ئیبراهیم خەیات ناوێكی دیار و پرشنگدارە لە ئاسمانی هونەری گۆرانی گوتندا بە جۆرێك گۆرانیەكانی بە جوانترین شێوە ئەدا دەكات و جۆرە حوزنێكی زۆر تایبەت لە دەنگ و سەداكەی بەدی دەكرێ هەر بۆیە مرۆڤ بەدەست خۆی نیە دەكەوێتە دنیایەكی دیكەوە، ئەو خانمە هونەرمەندە دەنگخۆشە بەردەوامە لە كاری هونەری خۆیدا و ئێستا كلیپێكی تازەی بڵاوكردۆتەوە بەناونیشانی (گەڕانەوە) كە هونەرمەندی بە ئەزموون ماهیر ئەمین ئاوای بۆ داناوە و هۆنراوەكەی هی حەمەسەعید حەسەنە و هونەرمەند رۆزبێ موسڵح كاری موزیكەكەی كراوە و هونەرمەند زاهیر زنار یش وێنەی گرتوە و كاری دەرهێنانی بۆ كردوە، ئەو خاتوونە دەنگخۆشە خاوەنی چەندین گۆرانیی دیكەیەی وەك كەتانە و مەڕۆ و تۆ بووی و دڵم تەنگە و پەرێشانم دەمێكە و بابە و دایە و چەندین گۆرانی دیكە، خاتوو كیژان ئیبراهیم خەیات كچی گەورە گۆرانیبێژ ئیبراهیم خەیاتی كۆچكردوە و خودی خۆیشی ساڵی 1985 لە شاری سلێمانی لەدایك بووە و دەرچووی بەشی موزیكی كۆلیژی هونەرە جوانەكانی سلێمانیە و سەرەتا گۆرانی بۆ زنجیرە درامایەك گوتووە، دواتر ساڵی 2009 یەكەمین گۆرانی خۆی بەناوی (بەسە دڵم) بڵاو كردۆتەوە، هەروەها لە ساڵی 2012 یەكەمین ئەلبوومی خۆی بە ناوی (درۆ) بڵاو كردۆتەوە، كە لە ئاواز و هۆنراوەی سۆرانی برای بوو، جێی ئاماژە بۆ كردنە خاتوو كیژان ساڵی 2010 لەگەڵ گرووپێك هونەریدا بەشداری لە فیستیڤاڵێكی جیهانی لە وڵاتی نەمسادا كرد و خۆشبەختانە گۆرپەكەی پلەی یەكەمیان بەدەستهێنا و بە خۆشحاڵیەكی زۆرەوە گەڕانەوە كوردستان، بۆیە ئەو خانمە وەفادارە هەموو جارێكیش هێما بۆ ڕۆڵی باوكی كۆچكردووی دەكات و دەڵێ باوكم و وەك مامۆستا و باوكێكی دڵسۆز زۆر پاڵپشتم بووە و هەمیشە شانازیی پێوە دەكەم.


محەمەد سەعید كوردە - هه‌ولێر

© 2017 Hawler