تشرینی دووەم 16, 2018

گۆرانییەكی عێراقی لە یوتوب ژمارەی پێوانەیی تۆمار كرد

گۆرانییەكی عێراقی دوای سێ مانگ لە نمایشكردنی لە تۆڕی كۆمەڵایەتیی یوتوب ژمارەی پێوانەیی لە بەدەستهێنانی زۆرترین بینەری تۆمار كرد.

گۆرانی (تەعال) كە گۆرانییەكی میللیە، لەلایەن هەرسێ گۆرانیبێژی لاو عەلی جاسم، مەحمود توركی و موستەفا عەبدوللە گوتراوە، ژمارەی پێوانەیی شكاند و لە ماوەی تەنها سێ مانگدا 200 ملیۆن بینەری هەبووە، كە تاوەكو ئێستا هیچ گۆرانییەك لەو ماوە كورتەدا ئەو بینەرەی نەبووە.
وشەكانی گۆرانییەكە تێكستێكی سادەیە، لە ناو ستۆدیۆی بچووك گرتەكانی گیراون، لە ماوەیەكی كورت لە تۆڕی كۆمەڵاتییەگان ناوبانگێكی گەورەی پەیدا كرد.
ماڵپەڕی سكای نیوزی عەرەبی نووسیویەتی، "بەهۆی سەركەوتنی گۆرانییەكە چەندین گۆرانیبێژی ناوداری عەرەب دووبارەیان كردووەتەوە".

 

ئاریان  دەرگەڵەیی - هەولێر

© 2017 Hawler