ئەیلول 19, 2018

بۆ دەنگ بە لیستی 183 پارتی دەدەین؟

دوای ئەوەی بە فەرمی بانگەشەی هەڵبژاردنی پەرلەمانی كوردستان دەستی پێكرد و بڕیارە تا 28 ی ئەو مانگە بەردەوام دەبێ، بۆیە هەموو چین و توێژەكان بەبێ جیاوازی بەوپەڕی باوەڕ و متمانە بەخۆبوونەوە دەنگی خۆیان بە لیستی 183 پارتی دەدەن، چونكە دڵنیان لەوەی پارتی هەر لە ساتی دامەزراندنی شۆرشی ئیلوولی مەزنەوە تا بە ئەمڕۆ دەگات ئامرازێك بوە بۆ بەدیهێنانی مافی ڕەوای گەلەكەمان و پاراستی دەستكەوتەكانی میللەتەكەمان، بێگومان هەر بەو بەرزیەش دەمێنێتەوە و ڕۆژ لە دوای ڕۆژ باڵا دەكات و ڕەگ و ڕیشەی خۆی بە نێو جەماوەری كورد دا دادەكوتێ، ئەوەشیان گەورەترین سەروەرییە،بۆیەلەمبارەیەوە هونەرمەندی پایەبەرز (سەلاح محەمەد عەلی) كە لە چەندین بواری هونەری وەك نواندن و وێنەكێشان و گۆرانی گوتن شوێن پەنجەی دیارە گوتی: من وەك هونەرمەندێكی كورد كە ساڵانێكی زۆرە لەگەڵ هونەردا خەریكم بە شانازیەوە دەنگی خۆم و خانەوادەكەم بە لیستی 183 ی پارتی دەدەم، چونكە دڵنیام لەوەی ئەو حزبە هەموو مافەكانمان دەستەبەر دەكات و هەمیشە لە كاری بەردەوام و پڕ خێر و بێر دایە، لە سەرووی هەموو ئەوانەشدا توانیوویەتی ئەمن و ئاسایش بۆ میللەتەكەمان فەراهەم بكات و لە خەمی ئایندەی كورد دایە، ئەوەشیان گەورەترین سەروەرییە دەبێ هەموو لایەكمان بایەخی پێ بدەین و بە چاوی ڕێزەوە سەیری بكەین،بۆیە دەبێ ئێمەش وەفادار بین بەرامبەر بەو هەموو بەخششەی كە بۆ ئێمەی كردوە و دەیكات، حزبیش بەو كارە باشانە دەتوانێ گرەوی سەركەوتن بباتەوە و بەرەو پێشەوە بچێت و سەركەوتن دوای سەركەوتن تۆمار بكات، نابێتە پیاهەڵدانیش ئەگەر بڵێین پارتی بەو تەمەنە دوور و درێژەیەوە كە هەیەتی بۆتە قوتابخانەی كوردایەتی و مەردایەتی و كۆڵنەدان و خاوەنی چەندین دەستكەوتی پڕ لە سەروەرییە، هەر بۆیە لە هەموو هەڵبژاردنەكان حزبی ژمارە یەكە و هیچ حزبێكی دیكە لە ڕووی پێگەی جەماوەریەوە ناتوانی ڕكابەری بكات و شانی لە شان بدات، ئێمەش ئومێدی ئەوە دەكەین هەر بەو شێوەیە بمێنێتەوە و لە ئایندەدا بەرنامەی باشتر و تووكمەتر بۆ زیاتر بەرەو پێشەوەچوون دابڕێژێ و سوود لە هەڵە و كەمووكوڕییەكانی پێشووی وەربگرێت تا هەر حزبی ژمارە یەك بمێنێتەوە.


 

محەمەد سەعید كوردە - هه‌ولێر

© 2017 Hawler

Please publish modules in offcanvas position.