شوبات 27, 2021

مەجید خۆشناو : لەشاخ هەم پێشمەرگە بووم، هەم هونەرمەند، هەم چەکم لە شان بوو، هەم ئامێری موزیکی

مەجید سەعید خدر خۆشناو،ناسراو بەمەجید خۆشناو،لەخێزانێکی کورد پەروەری شەقڵاوە لەدایک بووە، باوکی پێشمەرگەی کۆماری مهاباد و دایکی لەبەر ئازایەتی خزمەتی بە پێشمەرگە بە(هەڵۆ)ناسرابوو.خوێندنی سەرەتایی و ناوەندی هەرلەشەقڵاوە تەواو کردووە .

 

هونەرمەند و مامۆستاو پیشمەرگە مەجید خۆشناو سەبارەت بە سەرتایەکانی خولیابوونی بوونی بۆ موزیک بەو شیوەیە بۆ ڕۆژنامەی هەولێر دوا :

حەزوو ئارەزووم بۆموزیک وگۆرانی لە مامۆستایان واحید مەرجانی رەوانشادو، فەرەیدون دارتاش بۆ درووست بوو ئەوان گەورەترین هاندەرم بوون.

گەشەم بە هونەرکەم دوا تا لە دوای بەیانی اا ی ئازار دەرفەتی ئەوەم بۆ ڕەخسا کە لەبەشی موزیکی پەیمانگای هونەرەجوانەکانی‌ بەغدا وەرگیرام، لەسەر ئامێری(ڤیۆلێنسێل)چەلۆ خویندم.جگە لەو ئامێرە ئامێری (کەمان) یشم دەژەند.

ساڵی1976 دوای تەواوخوێندن لەقوتابخانەی کاوێس لەشەقڵاوە وەک مامۆستای موزیک دامەزرام.

مەجید خۆشناو کەی بوو بە پیشمەرگە؟ چۆن لە کاری هونەری بەردەوام بوو؟

ساڵی 1981 چەکی شەڕەفم کردە شان و هەم وەک پێشمەرگەو هەم وەک هونەرمەند لەتیپی موزیکی شەهیدکارزان لەکارو چالاکیەکان بەردەوام بووم.

لەشاخ وەک هونەرمەندو پێشمەرگە بەشداریم کردوە لەتومار کردنی دەیان سروودو گۆرانی شۆڕشگێڕیی بۆهونەرمەندان (حەمە جەزا ناسری رەزازی،نەجمەی غوڵامی‌‌‌،مەرزیە فەریقی) .

مەجید خۆشناو باسی کارو چالاکیەکانی دوای ڕاپەڕین دەکات:

دوای راپەڕینە مەزنەکەی 1991 بووم بەبەرپرسی رێکخراوی هونەرمەندانی شەقڵاوە

لە2002تا 2007 بووم بەمامۆستا لەچالاکی قوتابخانەکانی هەولێر

مەجید خۆشناوی هونەرمەند باسی بواری نووسینی هونەری بۆ کردین :

 خاوەنی چەندان نووسینی کتێب(پەرتوکم) ئەمانەی بەچاپم گەیاندوون (سەربردەوو رووداوی مێژوویی لەلاوکەکانی کاوێس ئاغادا) (پەلکە زێڕینە )تایبەت بەژیانی 36لەهونەرمەندانی کورد.

(بتهۆڤن) و (دە ئاوازی جیهانی) چەندان پەرتووکی ترم ئامادەن بۆ چاپ.

مەجید خۆشناو کاتێک لە بەغدا خوێندویەتی و کاری هونەریشی لەگەڵ گەورە هونەرمەندانی کورد کردوە، بەو جۆرە بۆمان دوا :

ئەوکاتەی لە بەغدا قوتابی بووم لەئێزگەی کوردی بەغدابەشداری تومار کردنی دەیان گۆرانی بۆ هونەرمەندانی نەمر تەحسین تەهاو،فوئاد ئەحمەد و تاهیر تۆفیق) چەندان هونەرمەندی ترمکردووە

هونەرمەند مەجید خۆشناو شەیدای بەرهەمهینانی کاری هونەرییە بۆ منداڵان، چونکە ئەزانێ منداڵ گەرەترین سەرمایەی دوا ڕۆژی نەتەوەییمانن و پیویستە خزمەت بکرێن بۆیە لەو بارەیەوە گووتی:

دەیان ئاوازوو گۆرانی مناڵانەم داناوە بەسیدی تومار کراون تێکستەکانیش هیخۆم بوون

ئەندامی هونەرمەندانی عێراق و کوردستانم

دواخزمەتی مامۆستایەتیم لەدوا ناوەندی عەنکاوەی نموونەیی بوو.

 

 

 

سەركەوت بوڕهان

 

© 2017 Hawler