تشرینی یەکەم 21, 2020

رێبین جەمال یەک پارچە میوزیک کە بەئامێرەکەم دەیژەنم بە ١٠٠ گۆرانی ناگۆرمەوە

یەك پارچە میوهونەرمەندی میوزیكژەن و گۆرانیبێژی بە ئەزموون (ربین جەمال) یەكێكە لە هونەرمەندە دەست پەنجەڕەنگینەكانی نێو كۆڕی هونەری ژەنیارانی كورد، لەمیانەی دیدارێكی دا بۆ خوێنەرانی "هەولێر" تیشكدەخاتە سەر چەند لایەنێك لەكارە هونەرییەكانی، بەتیابەتی بەرهەم هێنانی گۆرانییەكی تازەی خۆی، كە لە تێكستی شاعیر (سەركەوت رەسوڵ)ـە، لە ئایندەیەكی نزیكدا ئەو بەرهەمە بە شێوەیەكی جیاواز لەگەڵ سەرجەم بەرهەمەكانی پێشووی دێتە بوون.

 

لە دەستپێكی قسەكانی دا هونەرمەند (رێبین جەمال) لەبارەی هەبوونی كاری تازەی رایگەیاند : "كاری تازەم زۆرن، بەڵام نازانم چۆن و كەی بڵاویان بكەمەوە!، بەداخەوە زۆرجار دەتەوێ كارێكی باشی هونەری ئامادە بكەی، بەڵام لەناكاو بارودۆخێكی نەخوازروا دێتە پێشەوە بەهەمووشێوەیەك هەست و ناخت بەلای ئەو بابەتە دەڕوات و ناتونی دەست بۆ كارەكە ببەی، دیارە هونەرمەندیش زیاتر و زۆرتر هەست بەو كارەسات و بارودۆخە دەكات، ئەو چەند مانگەی رابردوو بە هۆیڤایرۆسی كۆرۆنا توشی خەم و ناسۆرییەكی زۆر بووین، بۆیە كارەكانم دواكەوتن، هیوادارم ئەو بارودۆخە بەزووی بەرۆكی هەموومان بەر بدات".

هونەرمەندی میویكژەن و گۆرانیبێژ (رێبین جەمال) ئەگەرچی هەمیشە وەك ژەنیارێكی ئامێری "كلاڕنێت" دەردەكەوێت، بەڵام لەهەمان كاتدا گۆرانیبێژێكی دەنگخۆشە، لەبارەی هەبوونی بەرهەمی گۆرانی خۆی بەم شێوەیە گوتی : "لە ئێستادا گۆرانییەكی تازەم ئامادەیە لە ستۆدیۆ كارەكانی بەرەو تەواو بوون رۆیشتووە، گۆرانییەكە جیاوازە لەگەڵ سەرجەم بەرهەمانی پێشووم، تێكستەكەی شاعیری ئازیز (سەركەوت رەسوڵ) نووسیویەتی لەگەڵ پارچەیەك میوزیك، دیارە ئەو بەرهەمانەم زادەی ماندوو بوونی خۆم و چەند هاوڕێیەكی ئازیزمە، بەڵام هیوادارم ئەوانەش نەچنە ئەو تەمەنەی دوای (10) ساڵ بڵاویان بكەمەوە، چونكە پارچەیەك میوزیكم پار ساڵ دوای نۆ ساڵ لە تۆمار كردنی ئینجا كاری كلیپی بۆ كرا، بۆیە نازانم چەند (10) ساڵی دیكە لە تەمەنی مندا بوونی هەیە بۆ ئەوەی بەرهەمەكانم (10) ساڵ جارێكڤیدیۆ كلیپان بۆ بكەم و بڵاویانبكەمەوە!، لەبەر ئەوەی تەمەنیش هەر خۆی دەڕوات و ئیتر سەردەمی ئێستاش پێشكەوتنێكی گەورەی بەخۆیەوە بینووە،ڕەنگە نەكنیكیبەرز و كامێرای پێشكەوتوو فول (HD) و ئەوانی دیكەش، هەموو رۆژێك نەبێتە قسمەتمان!".

لەبەشێكی دیكەی قسەكانی دا هونەرمەند (رێبین جەمال) ئەوەشی گوت : "من زیاتر لە (30) ساڵە خەریكی ژەنینی ئامێری "كلارنێت"ـم، بەڵام ماوەی چەند ساڵێكە گۆرانی دەڵێم، كەچی بەداخەوە ئەو (30) ساڵەم لەكاری ژەنیاری بەقەدەر ئەو چەند گۆرانییەی تۆمارم كردوون كاریگەرینەبووە بۆ ناساندنم لەلای جەماوەر، بەڵام لە هەماندا كاتدا یەك پارچە میوزیك كە بە ئامێرەكەم دەیژەنم بە (100) گۆرانی ناگۆڕمەوە، لەگەڵ ئەوەشدا تازە بۆ هەردووكیان دەژیم و شانازی بە هەردوو هونەرەكەم دەكەم".زیك كە بە ئامێرەكەم دەیژەنم بە (100) گۆرانی ناگۆڕمەوە!

 

عبدولغەفار عبدولە

© 2017 Hawler