ئەم پەڕەیە چاپ بکە

ئاورێك لە بەهای گەنج لە ئیسلامدا

عومەر چنگیانی

 

لەبەردەوامێتی باسكردن لە ئاریشە كۆمەڵایەتی و هەنووكەییەكانی ئێستای كوردستان كە وەك زنجیرە ئەوە چەند هەفتەیەكە لە سەر خواستی "بۆردی گوتاری ئایینی" - كە لەلایەن وەزارەتی ئەوقافی كوردستانەوە دامەزراوە -، زۆریك لە مامۆستایان پێیەوە وا بەستەن و، هەینی ڕابردوو باس لە "بەها و كیشە و چارەسەكانی گەنج كرا و" لە دوانگەی "مزگەوتی خەدیجەكوبرا"یشەوە كە حەفتا و دووەمین گوتاری من بوو"لە 13ی جەمادی دووەمی 1441ی كۆچی بەرانبەر بە 7ی شواتی 2020 ئاورێكم لە بەهای گەنج دایەوە و لەژێر ڕۆشنایی دوو كۆپلەئایەت و فەرموودەیەكدا و، باسمان لە گرنگی گەنج كرد لەلای خوا".

گەنج لە سورەتی"كەهف":
لە نۆیەمین و دەیەمین ئایەتی سورەتی "كەهف"دا كە باس لە قۆناغ و سەردەمێكی دیاریكراوی ناوچەیەك دەكات لە دوای عیسا – سڵاوی خوای لێ لبێت – كە خەڵك گیرۆدەی چەند كاربەدەست و دەسەڵاتێكی ستەمكاری هاوەڵ بۆخۆاپەیداكەری چەوسێنەر دەبن و، ڕووی گوتاری دەكاتە محەممەد پێغەمبەر- دروود و سڵاوی خوای لەسەر بێت - و پێیدەڵێ:
"مەگەر تۆ بەلاتەوە جێگا سەرسوڕمانە كە كۆمەڵێك گەنج كە بە پیاوانی ئەشكەوت ناسرا بوون چوونە نیو ئەشكەوتەكەوە، تۆ بەلاتەوە وایە جێگای سەر سوڕمانن كە كۆمەڵێك گەنج بوون و پەنایان بردە ئەشكەوتێك كە خۆیان حەشاردا و خۆیان بەدوور گرت لە بێ باوەڕەكان و لە پەروەرێنی خۆیان پاڕانەوە و، گوتیان: ئەی پەروەرێنی ئێمە لە میهرەبانی خۆتمان پی ببەخشە و ڕێنماییمان بكە بۆ باشترین ڕێگا و بەرچاو رۆشنمان بكە" لە سیانزە هەمین ئایەتی هەمان سورەتیشدا دەڵێ: "ئەوانە كۆمەڵێك لاو و گەنج بوون، كە باوەڕیان بەپەروەرێنی خۆیان هێنا و ئێمەیش ئیمانیانمان زیاتر كردن".
ئەم پێدا گوتنە خواییە بۆ ئەو گەنجانە، جوانرین بەڵگەیە لەسەر بایەخی ئیسلام بە و چینە و دانانی بەها بۆكارە چاك و چاكسازییەكانیان.

گەنج لە سورەتی"ئەنبیا"دا:
لە ئایەتەكانی پەنجا و یەك بەدواوەی سورەتی "ئەنبیا"شدا كە باس لە لاپەرەیەكی ژیانی خەبات و ماندوو بوونی ئیبراهیم پیغەمبەر دەكات – سڵاوی خوای لەسەربێت - كە چۆن بە هێزی هزر و بیرو باوەڕ پاشان بە هیزی بازوو ڕووبەرووی بت پەرستیی بووەتەوە و بتگەلەكانیانی لە بتخانەكاندا شكاندووە و هەموو خەلكەكە دەستی ئاماژە بۆ ئیبراهیم درێژدەكەن و دەدەپرسن داخۆ كێ وای بەسەر هێناون؟ بەڕاستی لە ستەمكارانە و، دەڵێن: بیستوومانە لاوێك بەخراپ باسی بتەكانمان دەكات و دەبێ ئیشی ئەو بێت".

كە لەمەیشدا دەبینین گەورەترین گۆرانكاری لاوێك پێی هەڵدەستێت، وەلێ گەر ئێمە لەم چاخو سەردەمەی ئێستاماندا بمانەوێ هەر گۆڕانكارییەك بەرەو چاكسازی بە گەنج بكەین ئەبێ لە پێشدا ئاگامان لە داڕشتنی كەسایەتی لاوەكانمان بێت داخۆ بەم نەوەیەی كە ئێستا سەرقاڵی هەر شتێكە نەوەك خۆدروستكردن داخۆ بەوانە دەكرێت؟!

لاو و سایەی عەرشی خوا:
لە فەرموودەیەكی دروستدا كە بوخاری و موسلیم بۆیان گیڕاوینەتەوە دەفەرمێت:
"حەوت گرووپ هەن لە ژێر سایەی خوا دا دەحەوێنەوە لەكاتێكدا كە هیچ سایەیەك بەدەر لەسایەی ئەو نییە، یەكەمینیان گەورەیەكی دادپەوەرە و دووەمنیان گەنجێك كە لەخوا پەرستیدا گۆش بووبیت".