کانونی دووەم 29, 2020

هونەرمەند (زاهیر عەبدوڵڵا)ـتان لە یاد بێت!

ئەمڕۆ چوار شەممە 15-1-2020 هونەرمەندی دیار و ناوداری بواری شانۆ و دراما (زاهیر عەبدوڵڵا) نەشتەرگەرییەكی گەورەی بۆ ئەنجام دەدرێت، ئەو هونەرمەندە نازدارەی هەولێر و كوردستان، مەهێلێن بێناز و بە تەنیا بێت ئەمڕۆ، چونكە هونەرمەندی وەك (زاهیر عەبدوڵڵا)ـمان لە رووی كار ئەكتەر و هونەرمەند بوونەوە ژمارەیان ئەوەندە زۆر نیە، تاوەكو لەبیر بكرێن!.

هونەرمەند (زاهیر عەبدوڵڵا) بەو نەخۆشییەی ماوەیەكە بە دەستیەوە دەناڵێنێت، كەچی كۆڵی نەداوە و، سەرەڕای نەخۆشییەكەی هەموو دوو هەفتە جارێك شان بە شانی هونەرمەند (عەلی ئەحمەد) دەڕۆیشت بۆ سلێمانی بۆ ئەوەی لەگەڵ هونەرمەندانی سلێمانی (موستەفا ئەحمەد، هادی مەحموود، بەیان مەحموود، فەریدوون قاسم) ئەلقەیەك لە پرۆگرامی (مقۆ مقۆ) بۆ بینەرانیان تۆمار بكەن، بۆ ئەوەی لە هونەر و نواندن دانەبڕێت، ئەو بەو نەخۆشییەوە وازی لە نواندن نەهێناو بە ئەمەك بوو بەرامبەر هونەرەكەی.
هونەرمەندە نازدارەكەی هەولێر (زاهیر عەبدوڵڵا) تۆ مێژوویەكی جوان و پڕشنگداری بۆ دراما و شانۆی كوردی "دەڕابە و هەستەوە سواری ئەسپە شیەكەی (كەوەكانی قەڕچوغ) بە، پیاسەیەك بەنێو كوچەو كۆڵانەكانی (تەیراوە) بكەو جارێكی دیكە، لەنێو هەواری دراما كوردییەكانی (كەونە دەركە، هەبوو نەبوو، گەڕەكەمان) جارێكی دیكە بۆ نمایش بكەوە.
هیوای سەلامەتی و تەندروستییەكی باشت بۆ دەخوازم بە دڵ چاوەڕێت دەكەین.

 

عەبدولغەفار عەبدوڵڵا - هەولێر

© 2017 Hawler