کانونی یەکەم 07, 2019

سەرۆكی وڵاتی بەرازیل "لیۆناردۆ دیكاپریۆ" تۆمەتبار دەكات

لەو ڕۆژانەدا سەرۆكی وڵاتی بەرازیل "ژایر بۆڵسۆنارۆ"، ئەكتەری سینەمایی بەناوبانگ و چالاكی ژینگەیی "لیۆناردۆ دیكاپریۆ"ی تۆمەنبار كرد بە سووتاندنی دارستانەكەی ئەمازۆرن كە ماوەیەك لەمەوبەر بەهۆی ئاگرێكی گەورەوە زۆربەی زۆری ڕووبەرەكەی سووتا، لەبەرامبەر ئەوەشدا ئەو ئەكتەرە سینەماییە بەناوبانگ و چالاكەی ژینگە بە جیددی داكۆكی لە خودی خۆی كرد و گوتی من لەو جۆرە كارانە دوورم و زۆر بە ڕاشكاوییەوەش دەڵێم بەجیدی داكۆكی لە ژینگە دەكەم، چونكەژنگەی ئێمە لە مەترسیدایە، بۆیە هەمیشە شانازی بە ژینگەیەكی پاك و بێگەرد دەكەم كە بتوانین هەناسەیەكی پاكی تێدا هەڵمژین، جێی باسە لیۆناردۆ دیكاپریۆ لە 11 ی نۆڤیمبەری ساڵی 1974 لە ولایەتی كالیفۆرینای وڵاتە یەكگرتووەكانی ئەمریكا لە دایك بووە هەر  ساڵی 1989 وەك ئەكتەری سینەمایی و شانۆیی و نووسینەوەی سیناریۆ و بەرهەمهێنانی فیلم و زۆر كاری هونەری دیكە كاری كردوە و تا ئێستاش بەردەوامە و لەو بارەیەوە چەندین خەڵاتی هونەری گرانبەهای بەدەستهێناوە و لەسەر ئاستی جیهانیش بەهۆی بەهرە گەشەكانی خاوەن هەوادارێكی زۆرە.

 

محەمەد سەعید كوردە - هه‌ولێر

© 2017 Hawler