تشرینی دووەم 18, 2019

ئامادەكاری بۆ شەشەمین فێستیڤاڵی نێودەوڵەتیی هەولێر بۆ شانۆ دەكرێت

بەڕێوەبەرایەتی هونەری شانۆی هەولێر، بەردەوام دەبێت لە ئەنجامدانی فێستیڤاڵە نێودەوڵەتیییە شانۆییەكەی، ئێستا لە ئامادەكاری دایە بۆ سازدانی شەشەمین خولی فێستیڤاڵەكە، سەرەڕای ئەوەی ساڵانی ڕابردوو قەیرانی دارایی هەبوو، دڵسۆزانی ئەم بوارە نەیانهێشت فێستیڤاڵەكە پەكی بكەوێت، ئەمەش هۆكارێكە بۆ بەرەوپێشچوونی فێستیڤاڵەكە.

لەمبارەیەوە بەڕێوەبەرایەتی هونەری شانۆی هەولێر، لە ڕاگەیاندراوێكدا مەرجەكان و دوا كاتی بەشداربوون لە فێستیڤاڵەكە دەخاتەڕوو ئەمەش دەقەكەیەتی: ئاگاداریەك لە ڕاگەیاندنی بەڕێوەبەرایەتی هونەری شانۆی هەولێر بۆ ئەو دەرهێنەرە بەڕێزانەی دەیانەوێت بەشداربن لە (شەشەمین فێستیڤاڵی نێودەوڵەتیی هەولێر بۆ شانۆ)، مەرجەكانی بەشداربوون لە فێستیڤاڵەكە ئەم خالانەی لای خوارەوەن : (نابێت ستافی بەشداربووان لە 8 كەس زیاتر بێت)، (بەرهەمی ناوخۆیی لە هیچ فێستیڤاڵێك بەشدارنەبووبێت و بەرهەمی ساڵی 2019 بێت)، (فێستیڤاڵ تەنها شوێنی حەوانەوەو نانخواردن لە ئەستۆ دەگرێت)، ( ماوەی نمایشی شانۆگەریەكە لە 30 خولەك كەمتر نەبێت)، (دوا مۆڵەت بۆ وەرگرتنی ڤیدیۆ و سیڤییەكان 15ـی11ـی 2019 دەبێت)، دەتوانن ڤیدیۆ سیڤییەكان بنێرن بۆ ئیمێڵی : (ئەم ئیمەیڵە پارێزراوە لە سپام, پێویستە جاڤا سکریپت چالاک بکەیت بۆ بینینی.)، هەروەها بۆ وەرگرتنی زانیاری پەیوەندی بكەن بە ژمارە مۆبایلی: (009647504472242).

 

سەرهەنگ غەریب - هه‌ولێر

© 2017 Hawler