کانونی یەکەم 14, 2019

دروستكردنی پەیكەرێك دەبێتە مایەی گاڵتەجاڕی چالاكوانان

چەند ڕۆژێكە لە تۆڕە كۆمەڵایەتییەكان وێنەی پەیكەرێك بڵاوكرایەوە كە لە شارێكی عێراقی دروست كراوە، ئەو پەیكەرە بۆتە مایەی گاڵتەجاری چالاكوانان، چەندین نووسینی لە بارەیەوە نووسراوە.

پەیكەرەكە لە پارێزگای زیقار و لەلایەن بەڕێوەبەرایەتییەكی هونەری سەر بە وەزارەتی رۆشنبیری دروست كراوە.
لە مەڕاسیمی كردنەوەی ئەم پەیكەرە هەواڵێك لەسەر ماڵپەری وەزارەتی رۆشنبیری عێراقی بڵاوكرایەوە، بەڵام بهەۆی ئەوەی زۆرترین گاڵتەی لە تۆڕە كۆمەڵایەتییەكان پێكرا، بۆیە هەر زوو سڕایەوە.
ئەم پەیكەرە گوزارشتە لە ڕەنگدانەوەی ئافرەتێكی عێراقی و جلێكی ڕەشی لە بەردایە و فانووسێكی پێیە، بەڵام لە تۆڕە كۆمەڵایەتییەكان لەلایەن چالاكوانەكانەوە بە ناشترین پەیكەری ئەو سەردەمەیان لە قەلەم داوە، هەندێك لە چالاكوانان دەڵێن، وەزارەتی رۆشنبیری عێراقی دڵخۆشە بە دروستكردنی پەیكەرێكی لەم جۆرە.
هەندێك لە چالاكوانان وێنەی ئەو پەیكەرەیان لەگەڵ پەیكەرێك داناوە كە 4200 ساڵ پێش ئێستا دروست كراوە.

 

ئاریان دەرگەڵەیی

دواترین دەستکاریکردن لەسەر چوار شەممە, 09 تشرینی یەکەم 2019 11:09
© 2017 Hawler