ئەیلول 21, 2019

حەفتەمین فلمە ڤیستەڤالا دهۆك یا نیڤدەولەتی دەسپێكر

دۆهی، 9ی ئەیلولا 2019 رۆژا ئێكێ ژرێوەرسمێن ڤەكرنا حەفتەمین فلمە ڤیستەڤالا دهۆك یا نێڤدەولەتی هاتنە ئەنجام دان.

ئەو رێوەرسم مایێ 2 دەمژمێران ل سەر فەرشەكێ سور بۆ هونەرمەندێن ڤیستەڤالێ دبەردەوام بوون، كو ژدەمژمێر 5:00 ئێڤاری دەسپێكرن و هەتا 7:00 بدویماهیك هاتن،
ل رۆژا ئێكێ یا ڤیستەڤالێ فلمێ "كامێون" كو ژلایێ دەرهێنەرێ كۆرد یێ رۆژهەلاتا كۆردستانێ "كامبۆریا پارتۆڤ" هاتی دەرهێنان بوویە فلمێ ڤەكرنا ڤیستەڤالێ و ژدەمژمێر 7:30 هەتا 9:00 شەڤ ل هۆڵا كۆنفرانسان هاتییە نمایشكرن.
ڤیستەڤال بۆ مایێ 8 رۆژان دێ بەردەوام بیت و تێدا 120 فلم ژهەرچوار پارچێن كۆردستانێ دگەل 72 وەڵاتێن ئەورۆپی و رۆژهەلاتا ناڤەراست دێ هێنە نمایشكرن، كو 50 فلم ژوان فلمان كۆردی نە، ول دویماهیێ 55 فلم ژكومەلا 120 فلمان دێ هەڤركییا وەلگرتنا خەلاتان كەن.
ل دویف گوتنا هەلكەت ئدریس، بەرپرسێ راگەهاندنا حەفتەمین فلمە ڤیستەڤالا دهۆك یا نێڤدەولەتی: ئێكەم جارە دسینەما ڤەكری دا فلمێن كۆردی و ب ڤی قەبارەی درێژ بهێنە نمایشكرن، و ئەڤە پێنگاڤەك باشە بۆ پێشڤەچوونا سینەما كۆردی،
دبەردەوام بوونا رۆژێن ڤیستەڤالێ دا بریارە چەندین پانێل ژبۆ بەحس كرن ل سەر چەندین تەوەرێن سینەمایی بهێنە ئەنجام دان، و ل دوماهیێ خەلات بۆ فلمێن سەركەفتی بهێنە پیشكێشكرن.

 

سەجا شێرزاد ـ دهۆک

© 2017 Hawler