ئایار 25, 2019

درامایەكی تەلەڤزیۆنی هۆكارێكە بۆ بەرزبوونەوەی ڕێژەی تاوان

گۆڤارێكی تەندروستی لە ئەمریكا ئاشكرای كردووە بەهۆی تەماشاكردنی زنجیرە درامای 13 Reasons Why، ڕێژەی خۆكوشتن لە نێوان هەرزەكارانی ئەمریكا بەرز بووەتەوە.

گۆڤاری ئەكادیمی ئەمریكی كە تایبەتە بە بڵاوكردنەوەی هۆشیاری تەندروستی دەروونی منداڵ، راپۆرتێكی بڵاو كردووەتەوە لەسەر پەیوەندی دراماكان لەسەر خۆكوشتنی هەرزەكاران، لە راپۆرتەكەدا درامای 13 Reasons Why بە نمونە هێناوەتەوە، كە لەوەتەی ئەو درامایە نمایش كراوە، ڕێژەی خۆكوشتن لە ناو هەرزەكاران زیادی كردووە.
لە بەشێكی ناوەڕۆكی گۆڤارەكەدا هاتووە لەو كاتەی درامای 13 Reasons Why لە ساڵی 2017 لە كەناڵی نێتفلیكسدا نمایش كرا، ڕێژەی خۆكوشتن لە ناو هەرزەكارانی ئەمریكا زیادی كرد، بە تایبەت ئەوانەی كە تەمەنیان لە نێوان 10 تاوەكو 17 ساڵیدا بوو.
ناوەڕۆكی درامای 13 Reasons Why باس لە خۆكوشتنی هەرزەكارێك دەكات كە چۆن دوای خۆكوشتنی چەند كاسێتێك بە جێ دەهێڵێ كە باس لەوانە دەكات هانیان داوە لەسەر خۆكوشتنی.
سەبارەت بەو داتایانەی لەسەر ئەو درامایە هەیە، گۆڤارەكە پێی وایە لە نێوان ساڵانی 2013 تاوەكو 2017 پێش ئەوەی دراماكە نمایش بكرێت ڕێژەی خۆكوشتن لە ناو هەرزەكاران و منداڵان بەرز نەبوو، بەڵام دوای ساڵی 2017 كاتێك دراماكە نمایش كرا، ڕێژەی خۆكوشتن لە ناو هەرزەكاراندا بەرز بووەوە و گەیشتە 26%.
جیف بریدجز كە یەكێكە لە پسپۆرە دەروونییەكانی ئەمریكا قسەی بۆ گۆڤارەكە كردووە، پێی وایە كە هەرزەكاران ئەو توێژەن ڕووبەڕووی زیانێكی دەروونی گەورە دەبنەوە لە ئەنجامی نمایشكردنی دراماكانی تایبەت توندوتێژی.

 

ئاریان  دەرگەڵەیی - هەولێر

دواترین دەستکاریکردن لەسەر سێ شەممە, 14 ئایار 2019 12:02
© 2017 Hawler