ئایار 25, 2019

شێوەكار (محەمەد ئیسماعیل) باس لە ئەزموونی خۆی دەكات

هەندێك لە هونەرمەندان لە ڕوانگەی خەمخۆری و دڵسۆزی خۆیانەوە بە هەموو شێوەیەك پەرە بە هونەرەكەیان دەدەن و هەوڵی بێ وچان دەدەن بۆ ئەوەی بە هەموو كەسێكی ئاشنا بكەن، ئەوەتا هونەرمەندی شێوەكار (محەمەد ئیسماعیل عوسمان) كە خاوەن ئەزموونێكی زۆرە لە بوارەكەی خۆیدا و بە شێوەیەكی ئەكادیمی تێیدا قاڵبۆتەوە و ئێستا لەگەڵ خانەوادەكەی خۆیدا لە وڵاتی هۆڵەندە ژیان بەسەر دەبات و لە گەڕانەوەی ئەمجارەیدا بۆ شاری هەولێر بە شێوەیەكی چڕ و پڕ باسی لە ئەزموونی چەند ساڵەی خۆی كرد كە چۆن تێكەڵ بە هونەری شێوەكاری بوە و ئێستا ئەو هونەرە لە چ ئاستێكدا لە كوردستان و دەرەوەدا، ئەوەشیان وانەیەكی بەسوود بوو بۆ هەموو ئەوانەی لە بەشی شێوەكاریدا دەخوێنن و خۆشەویستیەكیان بۆ ئەو هونەرە بەرزە هەیە، لە هەمان كاتیش گردبوونەوەیەكی باش بوو بۆ ئەوەی ئەو هونەرمەندە بە دۆست و خۆشەویستانی چەندین ساڵەی ئاشنا بێتەوە كە ساڵانێكە لێیان دابڕاوە، جێی وەبیرهێنانەوەیە هونەرمەندی شێوەكار (محەمەد ئیسماعیل عوسمان) تا لە كوردستان بوو گەلێك كاری ناوازەی لە بواری شێوەكایدا پێشكەش كرد كە جێگای سەرنجی هەموو لایەك بوو بە تایبەتی ئەو كارە دەگمەن و ناوازەی كە لە ناوەندی ڕۆشنبیری سەردەم ئەنجامیدا بەوەی چەندین تابلۆی ڕەنگاوڕەنگی لەسەر دموچاوی كەسایەتیەكاندا كێشابوو، بەو ئومێدەی كاری باشتر و چاكتر لە بواری شێوەكاریدا بكات و وەك هونەرمەندێكی خاوەن ئەزموون لەگەڵ هاوكوفانی و ئاشقانی ئەو بوارە ئەو هونەرە بەرزە بەرەو پێشەوە ببات.

 

محەمەد سەعید كوردە - هه‌ولێر

© 2017 Hawler