ئازار 22, 2019

لە ھەولێر گەلەریی ھونەر کرایەوە

بەئامادەبوونی جێگری پارێزگاری هەولێر و بریکاری وەزارەتی ڕۆشنبیری و لاوان و بەڕێوەبەری گشتی ڕۆشنبیری‌و هونەری هەولێرو بەرپرسی لقی هەولێری سەندیکای هونەرمەندانی کوردستان و هونەرمەندان و مێوانانی ئازیز‌، وەک دەستکەوتێک وە بۆ خزمەتکردنی هونەرمەندانی شێوەکاری لەلایەن لقی هەولێری سەندیکای هونەرمەندانی کوردستان (گەلەری هونەر) کرایەوە، تێیدا کۆمەڵێک تابلۆی هونەرمەندانی دێرینی هەولێر هەڵواسرابوون هەم وەک ڕێزێک هەم وەک وەفایەک لەپای بەخشش و خزمەتکردنیان بەپێی قۆناخەکانی تەمەنی خۆیان،( هیوا سوعاد یونس) بەرپرسی لقی هەولێری سەندیکای ھونەرمەندانی کوردستان، لەوتەیەکدا بەخێرهاتنی مێوانانی کردو ئاماژەی بەوەدا بەهەوڵ و ماندووبوونی دڵسۆزان و لەسەر بودجەی سەندیکا ئەو دیاریە بەنرخەمان پێشکەشی هونەرمەندانی شێوەکاری کرد، کە لە داھاتوودا بتوانن لەم گەلەرییەدا تابلۆکانیان نمایشبکەن، وەبەئەرکی خۆمان دەزانین لەخزمەت هەمووان بین، لە کۆتاییدا ڕێزلێنان پێشکەشی هونەرمەندانی دێرینی هەولێر کرا.

 

شیڤان شێرزاد - هەولێر

دواترین دەستکاریکردن لەسەر یەک شەممە, 10 ئازار 2019 08:25
© 2017 Hawler