شوبات 19, 2018

سبەی ڕەشید ڕواندزی بە شیعری عاشقانە پێشوازی لە ڤاڵانتاین دەكات

لە دوای ئەنجامدانی چەندین كۆڕی شیعری شاعیری ناسك (ڕەشید ڕواندزی)، سبەی كاتژمێر 10ی سەر لە بەیانی لە كۆلێژی ئاداب/ زانكۆی سەڵاحەدین بە دوو زمانی جیاواز شیعر بۆ عاشقان دەخوێنێتەوە.
 لە لێدوانێكیش دا بۆ (هەولێر) شاعیری ناوبراو دەڵێت: لەگەڵ هاتنەوەی ڕۆژی خۆشەویستی كە بە (ڤاڵانتاین) ناودەبرێت، ئەمساڵ بە چەند هۆنراوەیەكی پڕ لە عەشق و خۆشەویستی لە كۆلێژی ئاداب لە خزمەت ئەو كەسانە دەبم، كە تێنووی عەشق و خۆشەویستی و ئازادین.
هۆنینەوەی شیعریش لای من، دەربڕینی ئەو هەستەیە كە هەر تاكێكی كۆمەڵگە بە جۆرێك عەشق دەبێت، جارێك بۆ نیشتمان، جارێكی تر بۆ ئەو ئەوینەی كە ساڵانێكە بۆی دەژی، هەر بۆیە ئەو چەند كورتە شیعرەم بە زمانەكانی عەرەبی و كوردی ئامادە كردووە، ئومێدەوارم بە دڵی عاشقانی شیعر بێت كە لەو كۆڕە شیعرییەدا میوان دەبن

 

شیڤان شێرزاد - هەولێر.

© 2017 Hawler

Please publish modules in offcanvas position.