نیسان 05, 2020

زۆرترین بینراو فه‌رهه‌نگ

Error: No articles to display

نەجات نووری ڕۆمانی "ماڵی خواجە ... شارێك لە سووتوو" بڵاودەکاتەوە

ئارام کۆشکی_هەولێر

 

لە نوێترین بەرهەمی بڵاوکراوەیدا نووسەر و ڕۆماننووس نەجات نووری ڕۆمانی "ماڵی خواجە ... شارێك لە سووتوو" بڵاودەکاتەوە. ڕۆمانەکە لەسەر ئەرکی نووسەر چاپکراوە و لە دوتوێی 647 لاپەڕەدا لە چاپخانەی سارا لە شاری سلێمانی بەچاپ گەیەنراوە.

نووسەر سەبارەت بە ناوەڕۆکی ڕۆمانەکە گوتی: ئەم دەقە ئاوڕدانەوەیەكە لە (مرۆڤ و شار) كە پێكەوە دەبنە خۆڵەمێشی ناو ڕۆژگارێكی كوشندە لەگەڵ هەموو یادەوەریەكانیاندا، گەڕانەوەیە بۆ لای ڕۆحی ئەو مرۆڤانەی كە لەناو لێشاوەكانی مەرگ ‌و داگیركاری ‌و شكست ‌و خوێن ‌و خیانەتدا ئەوان دەبنە روناكی بۆ روناك كردنەوەی ژیانی بەشمەینەتەكان‌ و لێیان دانابڕێن‌ و لەگەڵ زۆر روداو كەسانی تردا بە ڕۆحی خۆیان بەرەنگاری دەكەن‌و دەیانەوێت دڕ بەو هەموو بۆچوونە خراپ‌ و شەڕانیانە بدەن كە هۆكارن بۆ دەیان ساڵی پاشاگەردانی، دەیانەوێت مرۆڤەكانی ئێمەش لە نەهاتیەوە بگەیەننە كەنارەكانی ئارامی‌و فێربوون.

لە بەشێکی دیکەی قسەکانیدا نووسەر ئەوەشی خستەڕوو شار و خەڵك دەبنە كتێبێك بەناوی (ماڵی خواجە) بۆ خوێندنەوەو ئاوڕدانەوەی ئەو ساڵە شووم ‌و ونبووانەی كە زۆركەس لە ئێمە نازانن چی لە مێژوی شارەكەیان‌ و خەڵكەكەیدا گوزەراوە، گێڕانەوەیەكە لەناو دەیان وێنە و وشەدا بۆ لای (خواجە ئەفەندی)‌ و هاوڕێكانی لە ساڵانی1850 و 1900 كاندا، هەڵدانەوەی برینی خەڵكە لە نێوان ئەو ساڵانەدا كە تەمەنیان دەكاتە رۆژگارێكی ترسناك‌و بێ خاوەن‌و فەرامۆشی.

نەجان نووری پێش ئەم کتێبە خاوەنی 12 کتێبی دیکەیە لە نووسین و چیرۆک و ڕۆمان.

دواترین دەستکاریکردن لەسەر پێنج شەممە, 13 شوبات 2020 09:10
© 2017 Hawler