تشرینی دووەم 12, 2019

كتێبی " ڕەوسە" بڵاوكرایەوە

"ڕەوسە" پەندی ژیان- بەرگی (1-2) لە دوو توێی 442 لاپەڕە پێكدێت و لەلایەن نوسەر محەمەد جەزا عەبدوڵڵا نوسراوە، كە بابەتەكانی ئەو كتێبە گشتگیرن و تایبەتن بە زۆرێك لە چەڵەمەو ئەو كێشانەی كە ڕابردوو تا ڕۆژی ئەمڕۆش خەڵكی كوردستان بە دەستییەوە گیریان خواردووە و پێوەی ئەناڵێنن و نووسینەكان بەشێوەیەكی ساكار و ڕەوان نووسراوەتەوە.
نووسەر ئەوەی خستۆتەڕوو،كە هەندێ لەو نووسینە یان (پەندانە) خەریكن بچنە ناو خانەیەكی مێژووەوە، بەڵام لەگەڵ ئەوەشدا مرۆڤ پێویستە ژبیریان نەكات و پەند و ئەزموونیان لێوەربگرێ. سەرهەڵدانی هەر بابەتێك بنەمای بەرایەكی بیركردنەوە و هەڵسەنگاندنە..
محەمەد جەزا، باسی لەوەیش كردووە، كە بەری بیركردنەوە تێگەیشتنی كەسە كە دووڕیانی سەركەوتن و ژێركەوتن بەرهەمەكە دەستنیشانی دەكات، ئەو كەسە پێویستە هێزی بەسەر خۆیدا بشكێ، كە بە چ مەودایەك ئەتوانێ لایەنە ناسكەكانی ژیان بخاتە بەرچاوی خەڵكی بۆ لێكدانەوەی تێگەیشتن (ڕەوسە) بكات.
چەند پەندێكی ژیان كە لەو كتێبە هاتووە:-
ئاوێنە
ئاوێنە بۆ بینینی جەستەیەو...هێوربوونی دەروونە
دژ
دژەكان بۆ سەربەستی یا سەربەخۆیی یەك نین و دوونین
گوڵ
كەی هەنگ تێربوو لێم. كەی شەونم باری. بمكەنە چەپك بمبەن بۆ دیاری...
لە بەرهەمەكانی نووسەر، دوو نامیلكەی شیعری بە ناوی (نەوای سازو (ڕووماڵێك لە جوانی)، كە لەسەر ئەركی وەزارەتی ناوخۆ بەچاپ گەیاندراون بۆ بەڕێوەبەرایەتی توندووتیژی دژ بە ژنان و رێكخراوی ئافرەتان، لەگەڵ چەندین نووسین لە ڕۆژنامە و گۆڤارەكان، وەك ( ڕۆژنامەی هەولێر، رۆژنامەی خەبات، گوڵان، كوردستان پۆست، زانكۆی نوێ، الینابیع، گۆچاری سلێمانی، ڕێگای كوردستان).

© 2017 Hawler