ئاب 26, 2019

فێستیڤاڵی شیعری کوردیی لە خوراسان کۆتایی هات

فێستیڤاڵی شیعری "ملواری" لە نێو کوردە کرمانجەکانی پارێزگای خوراسانی وڵاتی ئێران، وەک هەڵمەتێکی فەرهەنگیی کوردی دەستی پێکردبوو، ڕۆژی چوارشەمەی ڕابردوو و لە ڕێوڕەسمێکدا کۆتاییی بە کارەکانی هێناو بڕیار وایە پاڵێوراوەکانی خەڵات بکرێن.

فێستیڤاڵی ملواری کە فێستیڤاڵێکی شیعری کوردییە و کوردەکانی پارێزگای خوراسان بەڕێوەی دەبەن، لەسەر ئەرکی بنکەی "دانشگاهیان" بەڕێوە چوو کە ناوندێکە و کۆمەڵێک خوێندکار و نووسەر و مامۆستای زانکۆ و ڕۆشنبیری کوردی خوراسانی دایانمەزراندووە.
بڕیارە لە مەڕاسیمی کۆتاییی فێستیڤاڵی ملواریدا ئەندامانی بنکەی "دانشگاهیان" چەندین شاعیری خوراسان و ئەندامانی کارگەی "کانیادڵ" و پاڵێوراوان و داوەرەکانی ئەو فێستیڤاڵە بەشدار بن و هەر لە ڕێوڕەسمەکەشدا هونەرمەند عەلیڕەزا ئیسلامی بە ژەنینی ئامێری دووتار هونەرنماییەک بکات و براوەکانی ئەو فێستیڤاڵەش شیعرەکانیان بخوێننەوە.

© 2017 Hawler