ئاب 23, 2019

نووستنی سەربان نووستنێكی تەندروستە

زۆربەمان دێتەوە یادمان جاران لە گووند و دێهاتەكانی كوردستان خەڵكی لە وەرزی هاوین و گەرمادا لێف و دۆشەكی خۆی دەبردە سەربان و لەبەر ئەو كەشو هەوا سروشتیە دەخەوت و تا كاتی مەلا بانگدان لە خەو هەڵنەدەستا، ڕێك بە پێچەوانەی ئێستا زۆربەی خەڵكەكە لە كوونی ژوورەوە نایەتە دەرەوە و لە وەزری هاوین و گەرمادا لەبەر سپلیت و موبەریدە و هۆیەكانی دیكەی ساردمەرەوە دەخەوێت و گوێ بە زەرەر و زیانەكانی ئەو جۆرە خەوتنە نادات كە چەندە زیانبەخشە و لەشی مرۆڤ تووشی جۆرەها دەرد و نەخۆشی جۆراو جۆر دەكات، بۆیە دەبینین ئەوانەی شەوانە بە هاوین لە كوونی ژوورەكانیان دەخەون هەمیشە تووشی نەخۆش دەبنەوە كە دیاترینیان سەرمابوون و سەر ئێشە و هەڵكشانی ماسوولكەكانە، بۆیە پێویستە ئەو كلتووری لەسەر بان خەوتنە تازە بكەینەوەن چونكە بەڕاستی بە ئەزموون دەركەوتووە كە ئەو خەوتنە زۆر تەندروستە و سوود و قازانجی بۆ لەشی مرۆڤ هەیە، بەڵام دەبێ ئەوەش لەبەرچاو بگرین كە دەبێ خۆمان بە شێوەیەكی جوان داپۆشین تا زیندەوەری زیانبەخش بە دوور بین یان هیچ نەبێ لەسەر قەرەوێڵە بخەوین كە شوێنێكی بەرزە لە زەویدا و هیج جۆرە زیندەوەرێكی زیانبەخشی ناگاتێ.

 

محەمەد سەعید كوردە - هه‌ولێر

© 2017 Hawler