ئایار 21, 2019

لە وڵاتی زام
شنە بای ئازادیی
لە بارزانەوە
وردە وردە بووبە شەماڵ
کوردستانی تەنی
ڕێبەرێک
ڕێنوێنک
ڕێبوارێکی سەربەستی
پەیامی راسپاردە بوو
ئەخە ئەو
هەڵبژاردەی ئاسمان بوو
لە گوڵان و تەمووز تاکوو
کۆماری جوانە مەرگی کوردان
شاخ و شار و گوندی
کوردەواری
کردە مەتڕێزی
شەرف و بەرەنگاری
لە ڕۆژە سەختەکان
خۆری هیوا و ئاسو بوو
لە شەوە تارەکان
ئەستێرە و
رووناکی ژیان بوو
هاوڕێ و هاو سەنگەری
پێشەوای مەزن
ژێنێراڵە چاونەترسەکەی
کوردستان بوو
تاریکی و ئەهریمەنی راودەنا
بەیداخی ئیستقلالی هەڵدەدا
موژدە لەو ڕۆژە بێ
کوردینە بزانن
ئەو مستەفای کوردان بوو
عەگید و مێرخاسی
هەمووان بوو
ئیتر مێژوو نووسیویەتی
شۆرە سواری گۆرەپانی
کوردایەتی
بە هەڵگرتنی ئاڵا و ڕێباز
بەدەیان ئەفسانە و باز
قەندیل و کێلەشین
کۆرەک و ئاراز
کرنوشیان برد بۆ
ڕێبازی پر لە گیان بازی
هەزار جار سڵاو لەتۆ
جەنابی بارزانی

 

هێما سۆفی

© 2017 Hawler