ئازار 22, 2019

لـەزگــین گــراڤـی ــ زاخو

بانە ئەڤ گەنجێ د وەلاتەکی ناسیارو پێشکەفتی دا ئاوات وئارمانجا وی ئەوبوو خواندنا خوە ب دوماهیک بینت ب باوەرنامێن بلندو کاریگەر بەرەف وەلاتەکی هەژارو دامایڤە بچت ژپێخەمەت ڕولێ خوە ببینت ژبو نەهێلان و دوماهیک ئینانا هەژاری و بەلەنگازیێ و بلند کرنا ئاستێ زانینێ و رۆناکبیریێ و پێشڤەچونێ
دبوارێن ژیرو ژیانێ دا ـ
بانە بەرێ خوە ددت فەلەکێ و پشتا خوە ددت وەغەرێ و دچت پرسیارا وەلاتەکی بڤان سالوقدانان دکت لڤێ جیهانێدا ـ
بانە ئەڤ گەنجێ ژ سیستەم ویاساوو زانیاریێن وەلاتێ خوە تێرو فێر بۆی دگەهت وەلاتەکی ناڤ و نیشان دجیهانێدا و دسەر ڕوکێ ڤێ ئاخێ نەمای و بزر بوی، بەلێ ئەڤ وەلاتێ بێ ئەدرەس و نەخشەو سنور و زێرەڤان ـ
بێگومان هنەک ژ دەستهەلاتدارێن ڤی وەلاتی پێشوازی لێکرن و گوتنێ مەرەما هاتنا تە چیە ژبو وەلاتێ مە و تو ژ کورڤە تێی ؟
گوت دبێژنەمن بانە ئەز ژوەلاتێ یاساو سیستەم پەرێسم داخوازا من ئەز ببم هاوولاتییە ل وەلاتێ وە ئاکنجی ببم دڤی وەلاتی دا ئەگەر هون دەستوریێ بدن من ـ
گوتنێ ـ ـ گەلەک باشە تە چ مەرم و ئاوات هەنە ژ بو ڤی وەلاتی ؟
بانە دبێژت ئەز خوەدان باوەرنامێن بلندو ژێ هاتیمە ئەز دێ شێم ئاستێ ڤی وەلاتی بگهورم بەرف زانینێ و پێشڤە جونان بچین دهەمی بوارێن ژین و ژیارێ دا، من حەز هەیە هون کارەکێ بدن من ب ناڤ سیستەم و یاسایێ وەلاتێ وەدا کار بکم ـ
گوتنێ ئەو کەسێ دناڤ سیستەم و یاسایێ مەدا کار بکت دڤیا گهورین و پێشکەفتنان و زانیاری و چارەسەریێن دەرونی بزانت ـ
بانە دبێژت باشە ئەز بەرهەڤم بو هەر ئەزمونەکێ و تاقی کرنەکا وە بڤێت ـ
گوتنێ باشە دێ چییە باژێڕێ ( ڕۆشە ) هنەک ئاریشە ل وێدێ هەنە چارەسەر بکە د ماوەیەکی کورت دا پاشان وەرە دا ئەزمونان و تاقیکرنان بتە بکین ـ
بانە ئەرێنیبو بڤێ داخوازێ و قەستا باژێرێ ڕۆشە دکت ـ
دەمێ بان دگەهیت باژێرێ ڕۆشە نیڤ هش و مەندەهۆش دمینت ـ
ڕۆشە باژێرەک مەزن و سەیرو ئەنتیکەیە، باژێرەک تژی مروڤەو هەڕفی و هڵوەشیایە و جادەو کولان و خانی و دیوار تێک چوینەو چ ژێ نەماینە، ل ڤی باژێری هەر تشتێ ب ژیانا مروڤانڤە گرێدای نەمایەو بنک بویە، جاردن مروڤێن ڤی باژێری یێ دبۆینە تەشابەت و هەڵامەت بێ سەروبەرو بێ هەڵویست و چ نەزان،
دەمێ بانە سەیرو تەماشای ڤان کەسان دکت و گوهدارێ لوانان دکت خوە ژبیر دکت و دگەل تاکێ خوە دئاخڤت و دبێژت باوەرکە ئەڤە باژێڕێ شێت و دین و مەست و بێ هۆشانە، ئەڤانان نە هش و نە بیرن، باوەرکە ئاریشێن ڤانان دێ منژی دین و هارکن، جاردی دبێژت یا خودێ تو من ژڤانان ڕزگارکی ـ
بان دناڤ ڤان شێت و بێ هوشان دا ب پیاڤێن نەرم و هێدی هێدی دچت، دبینت دوو کەس دبەرانبەر یەکدوو ڕاوەستیاینە، یەک ژوانا بدەنگێ بڵند دگریت و یێ دی بدەنگەک بڵند یێ دکەنت، ئینا بان قەستا هەردوکان دکت و دبێژت وە خێرە چ چێبویە ڤێ گری و کەنیا بێ تابەت، هەردوکان بەرسڤدان و گوتن هەما هەرە و تو نەشێی بومە چ بکی ـ
بان دبێژت باوەرکن ئەز ناچم هەتا ئەز بزانم ئەگەرا وە چییە ـ
خوەدانێ گریێ دبێژت ـ ـ دەیکا من شەش مێرێت کرین، ئەڤ مێرە ب شەڤ و ڕۆژێ دگەل ئێک و دو هەروەسا دگەل دەیکا من ب شەڕەنیخ و قوتان و لێدانن، ئەژی ژ بێزاری و بێ دەستهەڵاتیا خوە یێ ڕەڤیم و ب دونیایێ کەتیم هنەک کەسان ئەزێ ئانیم ڤێ دێ، خەما من دەیکا منە یێ کەتی ددەستێ مێرێن خەرابدا نە دهێنە کوشتن نە دیا من دهێتە بەردان ـ
بان ما هێبەتی ددلێ خوەدا گوت مێرەک با دوو مێر بان دا ڕێ چنێ، شەش مێر ژ هێزا من پترە ـ
بانی گوتێ خەمێ نەخو هەتا دەیکا تە شەش مێرێن دیژی بکت ئێدی بیردانکا دسەرێ تەدا دێ تژی بت و ئێدی تو هەست ب خەم و کەسەران ناکی ـ
جاردن بان دبێژت خوەدانێ کەنییێ تە چییەو کەنیاتە یا چییە، ئەوژی دبێژت هەما هەرە بوتە چێترە،
بان دبێژت باوەرکە ناچم دڤێت ئەگەرا ڤێ کەنیێ بزانم، خوەدانێ کەنیێ دبێژت ـ ـ خانیێ منێ بێ بنستێر نیڤ هەڵوەشیای من دگوت دێ ڕۆژەکێ دسەرسەرێ مندا هڵوەشت، ئینا جیرانێ من ب خۆرتی و زۆڕی خانیەک دی دسەر بانێ خانیێ من ئاڤا کر پێسترکا خوەژی د ئەیوانا مالا مندا ل حوشا مندا ئینایە خوارێ، هاتن و چونا وانژی دناڤا مالا مندا بوو دێ بێژی مال و ژورێن من سامانێ وییە، دادگەهـ و موختارژی دپەی وی بون، من باش زانی چ نەمایە دێ کولکێ من ئێکدا هلوەشت و ئەزو جیرانێ من ب خێزانڤە تێچین و ئێک ژمە نامینت، منژی مال و حال بو وی هێلاو ئەز بدنیایێ کەتیم، شەڤا دی منێ دخەوا خوەدا یێ دیتی خانیێ منێ هڵوەشیای و جیران ب خێزانڤە یێ دبنڤە مای و تولا من لێڤە بی و کەنیا من ب زوڕدارو زالمان تێ ـ
بان دبێژت خەمێ نەخو باژێرێ زوڕدار و نەهنگ نەهێن سزا دان ل دادگەهان دێ ڕۆژەکێ ئەو باژێرە بیتە گۆرەکا ب کومەل و باش و خراب ئێک ژێ نامینت ـ
ب هزاران ئاریشێن بڤی ڕەنگی بان ی ل ڤی باژێرێ ( ڕۆشە ) دیتن و بهیستن کە چ جارەسەری بو نەبن، بان دناف ڤان ئاریشاو ڤێ کومەڵگەهێ دا بێ هەست هش دمینت و بان هەر ژوێ ڕۆژێ تا ڕۆژا ئەڤرۆ بێ سەرو شینەو و ونداو بزر بۆیە ـ

© 2017 Hawler