کانونی یەکەم 11, 2018

هه‌فته‌ی وه‌رزشی له‌ سنووری په‌روه‌رده‌ی ده‌شتی هه‌ولێر كۆتایی هات

به‌ سه‌رپه‌رشتی ڕێكخراوی (ئه‌ربیل ماڕاسۆن)، بۆ وه‌رزش و ئاشتی و له‌ درێژه‌ی كاروچالاكییه‌كانی ساڵانه‌ی وه‌زاره‌تی په‌روه‌رده‌ و به‌ڕێوه‌به‌رایه‌تی په‌روه‌رده‌ی ده‌شتی هه‌ولێر، به‌شی چالاكی و وه‌رزش و دێده‌وانی، هه‌ستا به‌ كردنه‌وه‌ی خولی (فوتساڵ) بۆ قۆناخی 1- 6 ساڵانی له‌سه‌ر ئاستی كوڕان، بۆ سه‌رجه‌م قوتابخانه‌كانی سنووری په‌روه‌رده‌كه‌، خوله‌كه‌به‌ سه‌رپه‌رشتی ڕێكخراوی ئه‌ربیل ماڕاسۆن بۆ وه‌رزش و ئاشتی به‌ڕێوه‌ ‌چوو، كه‌ ئه‌ركی دابینكردنی خه‌ڵات و دیارییه‌كانی‌ بۆ قوتابیان و قوتابخانه‌ سه‌ركه‌وتووه‌كان و ناوبژیوانانی به‌شدار بوو له‌ خوله‌كه.

ساڵانه‌ به‌ڕێوه‌به‌رایه‌تی په‌روه‌رده‌ی ده‌شتی هه‌ولێر، به‌شی چالاكی و وه‌رزش و دێده‌وانی خولی سه‌رجه‌م یارییه‌ وه‌رزشییه‌كانی بۆ قوتابخانه‌كانی سنوری خۆی ده‌كاته‌وه‌، ئه‌مساڵیش خولی فوتساڵ بۆ قوتابخانه‌كانی ناحیه‌كانی (داره‌توو، بنه‌سڵاوه‌، شاوه‌یش، كه‌سنه‌زان، قوشته‌په‌) كرده‌وه‌ و زیاتر له‌ 45 قوتابخانه‌ به‌شدار بوون و ڕۆژانه‌ یارییه‌كان له‌و ناحیانه‌ به‌ڕێوه‌ ده‌چوون و له‌ كۆتایشدا چه‌ند قوتابخانه‌یه‌ك پله‌كانی یه‌كه‌م و دووه‌میان به‌ده‌ست هێناو ئه‌نجامه‌كانیش به‌م شێوه‌یه‌ بوون:
خولی فوتساڵی بنه‌ڕه‌تی 1- 6 بۆ هه‌ر 5 سنووره‌كه‌ به‌م شێوه‌یه‌ بوون:

قوتابخانه‌كانی سنووری قوشته‌په‌:
پله‌ی یه‌كه‌م: قوتابخانه‌ی كاوه
پله‌ی دووه‌م: قوتابخانه‌ی به‌یانی بنه‌ڕه‌تی
‌ قوتابخانه‌كانی سنوری داره‌توو:
پله‌ی یه‌كه‌م: قوتابخانه‌ی برایه‌تی نوێ
پله‌ی دووه‌م: قوتابخانه‌ی رێنوای بنه‌ڕه‌تی تێكه‌ڵاو

قوتابخانه‌كانی سنووری بنه‌سڵاوه‌:
پله‌ی یه‌كه‌م: قوتابخانه‌ی ڕێزینگی بنه‌ڕه‌تی
پله‌ی دووه‌م: قوتابخانه‌ی بوێری بنه‌ڕه‌تی
قوتابخانه‌كانی سنووری شاوێس و مه‌لائۆمه‌ر‌:
پله‌ی یه‌كه‌م: قوتابخانه‌ی سیپانی بنه‌ڕه‌تی
پله‌ی دووه‌م: قوتابخانه‌ی سپێده‌ی بنه‌ڕه‌تی تێكه‌ڵاو

قوتابخانه‌كانی سنووری كه‌سنه‌زان:
پله‌ی یه‌كه‌م: قوتابخانه‌ی شه‌هید حه‌سه‌ن نه‌جاڕی بنه‌ڕه‌تی
پله‌ی دووه‌م: قوتابخانه‌ی كه‌سنه‌زانی بنه‌ڕه‌تی تێكه‌ڵاو
دواتر و له‌ مه‌ڕاسیمێكی تایبه‌تدا و به‌ ئاماده‌بوونی به‌ڕێز (سابیر حەمەد كانه‌بی) به‌ڕێوه‌به‌ری په‌روەر‌دەی ده‌شتی هه‌ولێر و سه‌رۆكی ڕێكخراوی ئه‌ربیل ماڕاسۆن و مامۆستایان و قوتابیان نوێنه‌ری قوتابخانه‌ سه‌ركه‌وتووه‌كانی خوله‌كه‌ خه‌ڵات و دیاری به‌سه‌ر سه‌ركه‌وتووان دابه‌شكرا، هه‌روه‌ها سوپاس و پێزانینی به‌شی چالاكی و وه‌رزش و دێده‌وانی به‌خشرا به‌سه‌ر قوتابخانه‌ سه‌ركه‌وتووه‌كانی خاوه‌ن پله‌كانی یه‌كه‌م و دووه‌می هه‌موو سنووره‌كانی به‌شداربووی خوله‌كه‌ و مامۆستایانی ناوبژیوان و ئه‌م قوتابخانانه‌ی كه‌ هاوكار بوون بۆ دابینكردنی یاریگه‌ بۆ به‌ڕێوه‌چوونی خوله‌كه‌، هه‌روه‌ها خه‌ڵاتی ڕێزلێنان به‌خشرایه‌ هۆڵی داخراوی بنه‌سڵاوه‌ كه‌ زۆر هاوكاری به‌شی چالاكی وه‌رزشیان كردوه‌، له‌ دابین كردنی یاریگه‌ بۆ گشت خوله‌كانی سنووری په‌روه‌رده‌ی ده‌شتی هه‌ولێر، هه‌روه‌ها له‌ چه‌ند ڕۆژی داهاتویشدا بڕیار وایه‌ خولی مه‌لوانی بۆ قوتابیان و خولی ناوبژیوانی بۆ مامۆستایان بكرێته‌وه‌.

 

هێمن ئەسكەندەر - هەولێر

© 2017 Hawler