ئەیلول 30, 2020

له‌ خولی نایابی تۆپی پێی عێڕاق، ئه‌مڕۆ هه‌ولێر ده‌بێته‌ میوانی یانه‌ی سه‌ماوه‌

له‌ گه‌ڕی ده‌یه‌می خولی نایابی تۆپی پێی عێڕاق ئه‌مڕۆ یانه‌ی هه‌ولێر له‌شاری سه‌ماوه‌ ڕووبه‌ڕوی یانه‌ی سه‌ماوه‌ ده‌بێته‌وه‌، یارییه‌كه‌ له‌ كاتژمێر 2:00 ئه‌نجام ده‌درێت، هه‌ردوو یانه‌ ماوه‌ی 16 له‌ خولی نایابی عێڕاق به‌یه‌كه‌وه‌ یارییان نه‌كردووه‌، ئه‌مه‌یش به‌هۆی دابڕانی یانه‌ی سه‌ماوه‌ بۆ ماوه‌یه‌كی دور و درێژ له‌ خوله‌كه‌، له‌ دواین سێ یاریدا له‌گه‌ڵ سه‌ماوه‌ دوو جار توشی شكست بووه‌ و جارێكیش یه‌كسان بووه‌، هه‌ولێر له‌ دواین یاری خۆیدا له‌ سه‌ر یاریگه‌ی خۆی به‌بێ گۆڵ له‌گه‌ڵ یانه‌ی دیوانیه‌ یه‌كسان بوو، یانه‌ی سه‌ماوه‌یش له‌گه‌ڵ یانه‌ی زه‌ورا به‌ سێ گۆڵی بێ به‌رانبه‌ر دۆڕا.

هه‌ولێر ڕووبه‌ڕوی سه‌ماوه‌ ده‌بێته‌وه‌
ئه‌مڕۆ له‌ گه‌ڕی ده‌یه‌می خولی تۆپی پێی نایابی عێراق هه‌ولێر له‌ شاری سه‌ماوه‌ ده‌بێته‌ میوانی یانه‌ی سه‌ماوه‌‌، هه‌ولێر له‌ 9 گه‌ڕی ڕابردوودا به‌ سه‌ركردایه‌تی (عیماد عۆده‌) ـی ڕاهێنه‌ر 13 خاڵی كۆكردۆته‌وه‌ و له‌ پله‌ی هه‌شته‌می ڕیزبه‌ندی یانه‌كاندایه‌، به‌ جۆرێك كه‌ سێ بردنه‌وه‌ و چوار یه‌كسان بوون و دوو دۆڕانی هه‌یه له‌ گه‌ڕی ڕابردوویشدا له‌سه‌ر یاریگه‌ی خۆی له‌گه‌ڵ یانه‌ی دیوانییه‌ی پله‌ی حه‌ڤده‌هه‌می یانه‌كان به‌ بێ گۆڵ یه‌كسان بوو، ئه‌مڕۆیش یانه‌كه‌ به‌هیوای بردنه‌وه‌ و سێ خاڵی یارییه‌كه‌ گه‌شتی سه‌ماوه‌ی كردووه‌ و هه‌رده‌م یاریزانانی قه‌ڵای زه‌رد له‌ ده‌ره‌وه‌ی یارگه‌ی خۆیان ئه‌نجامه‌كانیان باشترن و ئاستی به‌رزتر نمایش ده‌كه‌ن.
ده‌رباره‌ی یانه‌ی سه‌ماوه‌‌یش ئه‌و یانه‌یه‌ دوای 16 ساڵ دابڕان له‌ خولی نایابی عێڕاق جارێكی تر گه‌ڕایه، به‌شداری خولی پله‌یه‌كی عێڕاقی كرد و گه‌یشته‌وه‌ ڕیزی نایاب، به‌ڵام تاكو ئێستا ئه‌و یانه‌یه‌ له‌ وه‌رزی ئه‌مساڵ ئه‌نجامه‌كانی وه‌ك پێویست نین و له‌ 9 یاریدا ته‌نیا 8 خاڵی هه‌یه‌ و له‌ پله‌ی پازده‌هه‌می ڕیزبه‌ندی یانه‌كان دێت و له‌ پێنج یاری دۆڕاوه‌ و له‌ 2 یاریدا یه‌كسان بووه‌ و دوو بردنه‌وه‌یشی هه‌یه‌.
بۆیه‌ پێشبینی ده‌كرێت یاریه‌كه‌ بۆ هه‌ردوو یانه‌ ئاسان نه‌بێت و هه‌ولێر گه‌ره‌كیه‌تی سه‌ركه‌وتن به‌ده‌ست بهێنێت و سه‌ماوه‌یه‌یش مه‌به‌ستیه‌تی خۆی له‌ ناوچه‌ی مه‌ترسی دور بخاته‌وه‌ و له‌ هه‌ولێر بباته‌وه‌، له‌ دواین دوو یاری نێونیشیاندا له‌ ساڵی 2002 یانه‌ی هه‌ولێر و سه‌ماوه‌ به‌ بێ گۆڵ یه‌كسان بوون، له‌ ماوه‌ی ساڵی 2001 تا 2002 چوار یارییان به‌یه‌كه‌وه‌ ئه‌نجامداوه‌ و هه‌ولێر له‌ یه‌ك یاریدا براوه‌ بووه‌ و سه‌ماوه‌یش دوو یاری بردۆته‌وه‌ و له‌ یه‌ك یاریشدا یه‌كسان بوون.
بڕیار بوو دوای یارییه‌كانی گه‌ڕی نۆیه‌م خوله‌كه‌ به‌هۆی به‌شداریكردنی هه‌ڵبژارده‌ی عێڕاق له‌ پاڵه‌وانیه‌تی وڵاتانی ئاسیای 2019 كه‌ له‌ وڵاتی ئیماڕات به‌ڕێوه‌ ده‌چێت، خوله‌كه‌ بۆ ماوه‌ی 45 بو‌ه‌‌ستێت، به‌ڵام دواتر بڕیاره‌كه‌ گۆڕدراو، تاوه‌كو گه‌ڕی سێزده‌هه‌م یارییه‌كانی خولی نایابی عێڕاق خوله‌كه‌ به‌رده‌وام ده‌بێت و ئینجا ده‌وه‌ستێت، یانه‌ی هه‌ولێریش دوای یارییه‌كه‌ی به‌رانبه‌ر سه‌ماوه‌، ڕۆژی پێنج شه‌ممه‌ ڕووبه‌ڕوی یانه‌ی حدود ده‌بێته‌وه‌، ئینجا تیپه‌كه‌ ده‌گه‌ڕێته‌وه‌ بۆ شاری هه‌ولێر و له‌سه‌ر یاریگه‌ی خۆیدا له‌ دوو یاری به‌هێزدا، میوانداری یانه‌كانی شوڕته‌ و ئه‌مانه‌ی به‌غدا ده‌كات. ‌
یانەی ھەولێر دوێنێ دوای گه‌یشتنی به‌ شاری به‌غدا یەکەم یەکەی مەشقی خۆی لە یاریگەی نەوت لەشاری بەغداد ئەنجامدا بەمەبەستی خۆئامادەکردن بۆ یاریه‌كه‌ی ئه‌مڕۆ بەرانبەر یانەی سەماوە، کە یارییەکە لە یاریگەی سەماوە ئەنجام دەدرێت، دوای تەواوبوونی مەشق و ڕاهێنانیش یانەكه‌ ڕاستەوخۆ بەرەو شاری سەماوە به‌ڕێكه‌وت.

ڕیزبه‌ندیی 10 یانه‌ دوای كۆتایی یارییه‌كانی گه‌ڕی هه‌شته‌م
ڕیزبەندی خولی نایابی عێڕاق
1- زه‌ورا 9 یاری 20 خاڵ
قوه‌ جه‌ویه‌8 یاری 19 خاڵ 2-
3- شوڕته‌ 8 یاری 18 خاڵ
4- كه‌رخ 9 یاری 18خاڵ
5- نه‌وتی میسان 8 یاری  17 خاڵ
نه‌وت 7 یاری 13 خاڵ 6-
7- نه‌وتی وه‌سه‌ت 8 یاری  13خاڵ
هه‌ولێر 9یاری 13 خاڵ 8-
9- میانا 9 یاری  12 خاڵ
10- حدود 9 12خاڵ
15- سه‌ماوه‌ 9 یاری 8 خاڵ

 

چه‌ند گرته‌یه‌ك له‌ یاری نێوان (هه‌ولێر ـ دیوانیه‌) گه‌ڕی ڕابردوو

© 2017 Hawler