تشرینی دووەم 28, 2020

ئه‌مشه‌و بارسێلۆنا له‌ دێربی كه‌ته‌لۆنیا رووبه‌ڕووی یارییه‌كی قورس ده‌بێته‌وه‌

له‌ گه‌ڕی 22ـه‌می لالیگا، یانه‌ی بارسێلۆنا له‌ ده‌ره‌وه‌ی یاریگه‌ی خۆی ئێواره‌ی ئه‌مڕۆ له‌ كاتژمێر 6:15 خوله‌ك ده‌بێته‌ میوانی یانه‌ی ئیسپانیۆلی هاوشاری.
یانه‌ی ئیسپانیۆلی كه‌ته‌لۆنی له‌ یاری چوون به‌ 5 گۆڵی بێوه‌ڵام به‌رامبه‌ر بارسێلۆنا تووشی شكست بوو، به‌ڵام تاكه‌ یانه‌یه‌ له‌م وه‌رزه‌ كه‌ توانیویه‌تی شكست به‌ یانه‌ی بارسێلۆنا بهێنێت كاتێك له‌ جامی شا له‌سه‌ر ئه‌م یاریگه‌یه‌ی كه‌ ئه‌مرۆ یارییه‌كه‌ی له‌سه‌ر ده‌كات به‌ گۆڵێكی بێوه‌ڵام له‌ بارسای برده‌وه‌، به‌ڵام له‌ یاری چوون به‌ 2 گۆڵی بێوه‌ڵام یارییه‌كه‌ی دۆڕاند و له‌ جامی شا كرایه‌ ده‌ره‌وه‌.
یانه‌ی بارسێلۆنا به‌ 57 خاڵ پێشه‌نگی ئه‌م وه‌رزه‌ی لالیگای گرتووه‌ و به‌ جیاوازی 11 خاڵ له‌ یانه‌ی ئاتڵێتیكۆ مه‌دریدی دووه‌م و به‌ جیاوازی 19 خاڵ له‌ ریال مه‌دریدی چواره‌م دووره‌.
یارییه‌كانی دیكه‌
له‌ یارییه‌كی دیكه‌ی ئه‌مرۆی لالیگا، یانه‌ی جیرۆنای كه‌ته‌لۆنیا له‌ كاتژمێر 08:30ـی شه‌و باوه‌ش بۆ یانه‌ی ئاتڵێتیك بلباو ده‌كاته‌وه‌.
له‌ یارییه‌كی دیكه‌ی لوتكه‌ی ئه‌مشه‌و، یانه‌ی ئاتڵێتیكۆ مه‌درید و ڤالێنسیا له‌ یاریگه‌ی میترۆپۆلیتانۆ له‌ كاتژمێر 10:45 خوله‌كی شه‌و به‌یه‌ك ده‌گه‌ن.

© 2017 Hawler