تشرینی دووەم 16, 2018

نێیمار ده‌گه‌ڕێته‌وه‌ بارسێلۆنا؟

به‌ گوێره‌ی چه‌ند سه‌رچاوه‌یه‌كی راگه‌یاندنی ئه‌ورووپا، پاریس سانجێرمان له‌ ئێستاوه‌ شوێنگره‌وه‌ی نێیمار دا سیلڤای ده‌ستنیشان كردووه‌، چونكه‌ به‌ گوێره‌ی رێككه‌وتنه‌كه‌ نێیمار ده‌توانێت له‌ كۆتایی ئه‌م وه‌رزه له‌ پاریس بڕوات.
دوای ئه‌وه‌ی میدیاكانی ئیسپانیا به‌ گه‌رمی باسی هه‌واڵی گه‌ڕانه‌وه‌ی نێیمار بۆ بارسێلۆنا ده‌كه‌ن، له‌ هه‌مان كاتیشدا ئاماژه‌ بۆ ئه‌وه‌ ده‌كه‌ن یانه‌ پاریسییه‌كه‌ ئانتوان گریزمان ده‌كاته‌ شوێنگره‌وه‌ی نێیمار.
نێیمار دا سیلڤا له‌ هاوینی 2017 له‌ یانه‌ی بارسێلۆناوه‌ به‌ 222 ملیۆن یۆرۆ گرێبه‌سته‌كه‌ی هه‌ڵوه‌شانده‌وه‌ و روویكرده‌ یانه‌ی پاریس سانجێرمان، له‌ ئێستاشدا ده‌نگۆی گه‌ڕانه‌وه‌ی نێیمار بۆ بارسێلۆنا بۆته‌ بابه‌تی گه‌رمی میدیاكان.
له‌ لایه‌كی دیكه‌یشه‌وه‌، مارتن مۆنتۆیا به‌رگریكاری پێشووی بارسێلۆنا كه‌ ئێستا له‌ خولی نایابی ئینگلیزی یاری بۆ یانه‌ی برایتۆنی ئینگلیزی ده‌كات، ئاشكرای ده‌كات كه‌ نێیمار دا سیلڤا ده‌یه‌وێت بگه‌ڕێته‌وه‌ بارسێلۆنا.
مۆنتۆیا ده‌شڵێت: هه‌موو لایه‌ك هه‌ستی به‌وه‌ كردووه‌ كه‌ نێیمار له‌ رۆیشتنی له‌ یانه‌ی بارسێلۆنا په‌شیمانه‌ و ده‌وێت دوای تێپه‌ڕكردنی دوو ساڵه‌كه‌ی بگه‌ڕێته‌وه‌ كه‌ته‌لۆنیا، پێموایه‌ له‌ هاوینی ئه‌مساڵ وه‌ك چۆن رۆیشتنی نێیمار له‌ بارسێلۆنا بۆ پاریس جیهانی شۆك كرد، چاوه‌ڕوانن بن دیسان به‌ پێچه‌وانه‌وه‌ گه‌ڕانه‌وه‌ی نێیمار له‌ هاوینی داهاتوو ده‌بێته‌ سه‌ردێڕی سه‌رجه‌م میدیاكانی جیهان.
به‌ گوێره‌ی رۆژنامه‌ی لكیپی فره‌نساش بێت، به‌رپرسانی یانه‌ی پاریس سانجێرمان له‌ هاوینی داهاتوو ئاماده‌ن ده‌ستبه‌رداری نێیمار بن، ئه‌مه‌ش له‌ كاتێكدایه‌ نێیمار له‌ كۆی 41 یاری له‌ سه‌رجه‌م پاڵه‌وانێتییه‌كان 39 گۆڵی تۆمار كردووه‌.

© 2017 Hawler