کانونی یەکەم 06, 2019

كەم بخوێنەوە؛ زۆر بزانە

* ئه‌مڕۆ له‌ خولی نایابی ئینگلیزی، له‌ كاتژمێر 11:00ـی شه‌و، یانه‌ی لیڤه‌رپوول له‌ ده‌ره‌وه‌ی یاریگه‌ی خۆی ده‌بێته‌ میوانی یانه‌ی سوانزی سیتی.
* له‌ خولی پله‌یه‌كی ئیتاڵیا، له‌ كاتژمێر 10:45 خوله‌كی شه‌و، یانه‌ی یوڤێنتۆس له‌ نێو یاریگه‌ی خۆی میوانداریی یانه‌ی جێنوا ده‌كات.
* یانه‌ی ڤالێنسیا له‌ 27ـی ئه‌م مانگه‌ له‌ یاریگه‌ی مێستایا به‌بێ 3 ئه‌ستێره‌ی دیاری یانه‌كه‌ی میوانداریی یانه‌ی ریال مه‌درید ده‌كات، به‌وپێیه‌ی له‌ دوایین یاری خۆی به‌ 2 گۆڵ به‌رامبه‌ر تاكه‌ گۆڵێك به‌ یانه‌ی لاس پاڵماس دۆڕا، له‌و یارییه‌دا‌ گابرێل پاوڵیستای به‌رازیلی و رۆبن فیزۆی پورتوگالی به‌ كارتی سوور كرانه‌ ده‌ره‌وه‌، هه‌ڵبه‌ت سیمیۆنی زازای هێرشبه‌ری ئیتاڵی به‌هۆی كه‌ڵه‌كه‌بوونی كارته‌كانی له‌ یاری داهاتوو به‌رامبه‌ر یانه‌ مه‌دریدییه‌كه‌ بێبه‌ش ده‌بێت.
* لویز فلیپ سكۆلاری راهێنه‌ری به‌رازیلی یانه‌ی گوانزهۆی چینی ده‌ڵێت: لیۆنێل مێسی رۆڵی گه‌وره‌ی له‌ گواستنه‌وه‌ی پاوڵینهۆ بینی، چونكه‌ ده‌یزانی به‌ گواستنه‌وه‌ی پاوڵینهۆ یه‌كه‌م كه‌س بۆ خۆی له‌ نێو یاریگه‌ سوودمه‌ند ده‌بوو.
* به‌ گوێره‌ی میدیاكانی بریتانیا، هه‌موو شتێك كۆتایی هات، ئالێكسیس سانچێز روویكرده‌ مانچێسته‌ر یونایتد و هێنریك میختاریان بۆ واژۆ كردنی گرێبه‌ستی ئارسێناڵ له‌ له‌نده‌نه‌.
* كریستیانۆ رۆناڵدۆ، ئه‌ستێره‌ی پورتوگالی یانه‌ی ریال مه‌درید: زێدان و ئانچیلۆتی دوو كه‌سایه‌تی جیاوازیان هه‌یه‌، من وه‌ك خۆم سوودم له‌ هه‌ردووكیان بینیوه‌، هه‌رگیزیش ئانچیلۆتی له‌بیر ناكه‌م.
* به‌ گوێره‌ی میدیاكانی كه‌ته‌لۆنیا، پێشبینی ده‌كرێت، كۆتینهۆ له‌ یاری دێربی كه‌ته‌لۆنیا له‌ جامی شای ئیسپانیا ئه‌م پێنجشه‌ممه‌ یه‌كه‌مین یاری خۆی به‌ درێسی بارسێلۆنا له‌ دژی ئیسپانیۆل بكات.
* به‌ گوێره‌ی میدیاكانی ئیسپانیا، یانه‌ی بارسێلۆنا به‌ نهێنی له‌گه‌ڵ ئانتوان گریزمانی هێرشبه‌ری فره‌نسی ئاتڵێتیكۆ مه‌درید رێككه‌وتووه‌ و درێسی ژماره‌ (7)ـی بۆ هه‌ڵگرتووه‌ و (كۆتینهۆ)ـش درێسی ژماره‌ 14 ده‌پۆشێت.
* یانه‌ی ئینته‌ر میلان له‌ ترسی هه‌وڵه‌كانی ریال مه‌درید به‌ خێرایی مه‌رجی هه‌ڵوه‌شاندنه‌وه‌ی گرێبه‌سته‌كه‌ی ماورۆ ئیكاردی له‌ 110 ملیۆن یۆرۆ بۆ 220 ملیۆن یۆرۆ به‌رز ده‌كاته‌وه‌.
* یانه‌ی ریال مه‌درید به‌ فه‌رمی ئۆفه‌رێكی یانه‌ی ئینته‌ر میلانی بۆ گواستنه‌وه‌ی ماتیۆ كۆڤاسیچی كرواتی ره‌ت كرده‌وه‌ كه‌ یانه‌ ئیتاڵیاییه‌كه‌ داوای كردبوو به‌شێوه‌ی خواستن ئه‌م یاریزانه‌ بگه‌رێنێته‌وه‌ ریزه‌كانی.

 

© 2017 Hawler