کانونی دووەم 28, 2022

زۆرترین بینراو وه‌رزش

Error: No articles to display

دوو یاریزانی كورد بانگهێشتی هه‌ڵبژارده‌ی ئۆلیمپیی عێراق كران

بۆ بەشداریکردن لە یارییەکانی جامی رۆژئاوای ئاسیا کە هەفتەی داهاتوو لە لە سعوودیە دەست پێدەکات، بەفەرمی دوو یاریزانی کورد بانگهێشتی هەڵبژاردەی ئۆڵیمپیی عێراق کران.

میرۆسلاڤ سکۆپ، راهێنەری چیکی لیستی یاریزانەکانی بۆ بەشداریکردن لە یارییەکانی جامی رۆژئاوای ئاسیا راگەیاند کە لە 23 یاریزان پێکهاتووە، هەریەکە لە ئەحمەد سەرتیپ یاریزانی یانەی زەوڕا و عیماد عیسا گۆڵپارێزی یانەی زاخۆ کوردن بانگهێشتی هەڵبژاردەکە کراون.
عیماد عیسا به‌ر له‌ گه‌شته‌كه‌ی له‌ لێدوانێكی بۆ رۆژنامه‌ی هه‌ولێر رایه‌گه‌یاند: كه‌ هه‌وڵده‌دات وه‌ك یاریزانێكی كورد به‌شدارییه‌كی كاریگه‌ری له‌گه‌ڵ هه‌ڵبژارده‌كه‌ هه‌بێت و ئاستێكی باش پێشكه‌ش بكات، باسی یارییه‌كانی ئاماده‌كاریی هه‌ڵبژارده‌ی ئۆلمپی كرد، كه‌ له‌ وڵاتانی توركیا و ئیمارات ئه‌نجامیان داوه‌، وتی: كه‌ له‌ سێ یاریی دۆستانه‌ به‌شێویه‌كی سه‌ره‌كی یاریی كردووه‌ و له‌ دوو یاریی گۆڵه‌كه‌ی به‌ پاكی راگرتووه‌.
ئه‌حمه‌د سه‌رتیپی یاریزانی پێشووی یانه‌ی هه‌ولێر و ئێسته‌ی یانه‌ی زه‌ورا، له‌ یارییه‌كی دۆستانه‌ توانی گۆڵێك بۆ هه‌ڵبژارده‌كه‌ تۆمار بكات، ئێسته‌ ئه‌م دوو یاریزانه‌ كورده‌ بوونه‌ته‌ جێگه‌ی بایه‌خی راهێنه‌ری چیكی میرۆسلاف سكۆپ.
هەڵبژاردەی ئۆڵمپی عێراق لە شاری دەمام لە سعوودیە بەشداریی جامی رۆژئاوای ئاسیا دەکات، کە رۆژی دووشەممە لە یەکەم یاریی خۆیدا رووبەڕووی فەڵەستین دەبێتەوە، دواتر رۆژی چوارشەممە رووبەڕووی ئیمارات دەبێتەوە و لە سێیەم یاریی کۆمەڵەکەشی بەرامبەر لوبنان یاریی دەکات.
باشترین ئه‌نجامی هه‌ڵبژارده‌ی ئۆلمپی عێراق له‌ مێژووی ئۆلمپیادا له‌ 2004بوو، كاتێك توانیان پله‌ی چواره‌می پاڵه‌وانێتییه‌كه‌ به‌ده‌ستبهێنن

 

بارزان ئەکرەم - هەولێر

© 2017 Hawler