ئایار 23, 2022

زۆرترین بینراو وه‌رزش

Error: No articles to display

فێرگسۆن: گه‌ڕانه‌وه‌ی ڕۆناڵدۆ وه‌كوو چوونه‌وه‌ی قه‌یسه‌ر بوو بۆ رۆما

رۆژنامەی هەولێر، لە چوارچێوەی كۆهەواڵدا، رۆژانە تازەترین و گرینگترین هەواڵ و پێشهات و دەنگوباسە وەرزشییەكان بۆ گوێ و هزری خوێنەرانی دەگوازێتەوە، كە تێیدا پێشینهەواڵ بۆ گرینگترین و تازەترینیانە و بە هۆی فراوانیی بواری تۆپی پێ و فرەیی جەماوەر و هەواداری ئەو یارییەوە، پشكی شێر و زۆر بەر هەواڵەكانی ئەو یارییە دەكەون و لە كات و ئانوساتی پێشهات و هەواڵ و پاڵەوانیەتیی یارییەكانی دیكە، تیشكیان دەخرێتە سەر و پشكیان پاشگوێ ناخرێ، ئامانج لێی دانەبڕانی خوێنەرانە لە هەواڵ و ئاگەییە وەرزشییەكان و پەیبردنە بە سووچ و پەناكانی هەواڵە شاراوە و ئاشكرانەكراوەكان.

پێرێز نیگه‌رانه‌ كه‌ چه‌ند وه‌رزێك پێشتر ئه‌لابای ده‌ست نه‌خستووه‌
ڕاپۆرتی مێدیاكان، بڵاویان كرده‌وه‌، كه‌ ده‌یڤید ئه‌لابای به‌رگریكاری یانه‌ی ریاڵ مه‌درید، سه‌رۆكی یانه‌كه‌ی تووشی داڕمان كردووه‌، هه‌رچه‌نده‌ یاریزانه‌ نه‌مساییه‌كه‌ ئاستێكی باشی هه‌یه‌.
ئه‌لابای یاریزانی ته‌مه‌ن 29 ساڵان، له‌ هاوینی رابردوو به‌ بۆندێكی فری، په‌یوه‌ندیی به‌ ریزه‌كانی یانه‌ی ریاڵ مه‌دریده‌وه‌ كرد، له‌و كاته‌ی كه‌ بۆنده‌كه‌ی له‌گه‌ڵ یانه‌ی بایرن میونشن كۆتایی هاتبوو.
به‌ پێی سایتی دێڤینسیا سێنتڕاڵی ئیسپانی، فلۆرێنتینۆ پێرێزی سه‌رۆكی یانه‌ی ریاڵ مه‌درید، تووشی داڕمان بووه‌ له‌و بۆنده‌، چونكه‌ سه‌ركه‌وتوو نه‌بوو له‌وه‌ی پێش چه‌ند وه‌رزێك بیباته‌ ریزه‌كانیه‌وه‌.
تۆڕه‌ مێدیاییه‌كه‌، ئاماژه‌ی به‌وه‌ كرد، كه‌ پێرێز، به‌ ئاستی ئه‌لابا سه‌رسام بووه‌ و به‌ خێرایی خۆی گونجاندووه‌ و قه‌ره‌بووی رۆییشتنی سێرجیۆ ڕامۆسیشی كردووه‌ته‌وه‌، كه‌ ریزه‌كانی شایانه‌ی بۆ پاریس سان جێرمان جێ هێشت.
مێدیاكه‌ روونیشی كرده‌وه‌، كه‌ ئه‌لابا هه‌رچه‌نده‌ یه‌كه‌م وه‌رزیه‌تی له‌گه‌ڵ ریاڵ مه‌درید، به‌ڵام وه‌كوو ئه‌وه‌ وایه‌، به‌ درێژایی كاروانی یاریكردنی له‌و یانه‌یه‌ بووبێ.
پێرێز وای لێوه‌ ده‌ركه‌وتووه‌، ئه‌گه‌ر ئه‌و یاریزانه‌ ئاستێكی جێره‌زامه‌ندیی ئه‌وان له‌م وه‌رزه‌دا پێشكه‌ش نه‌كا، ده‌ست به‌ دانوستان له‌گه‌ڵ یاریزانی تر ده‌كه‌ن.
به‌ڵام پێرێز له‌ ساڵانی رابردوویش چه‌ند جارێك هه‌وڵی ئه‌وه‌ی دابوو ئه‌و یاریزانه‌ بباته‌ ریزه‌كانی یانه‌كه‌یه‌وه‌، به‌ڵام بایرن میونشن پێگری به‌ مانه‌وه‌ی كرد تا كۆتایی ماوه‌ی بۆنده‌كه‌ی.

فێرگسۆن: گه‌ڕانه‌وه‌ی ڕۆناڵدۆ وه‌كوو چوونه‌وه‌ی قه‌یسه‌ر بوو بۆ رۆما
ئه‌لێكس فێرگسۆن، ئه‌فسانه‌ی یانه‌ی مانچسته‌ر یونایتد، گه‌ڕانه‌وه‌ی ڕۆناڵدۆ بۆ یاریگه‌ی ئۆڵدترافۆرد و یانه‌ی مانچسته‌ر، به‌ هاتنه‌ژووره‌وه‌ی قه‌یسه‌ر بۆ رۆما ده‌چووێنێ، دوای سه‌ركه‌وتنی له‌ شه‌ڕه‌كاندا.
مانچسته‌ر یونایتد، توانیی سه‌ركه‌وتوو بێ له‌ گه‌ڕانه‌وه‌ی رۆناڵدۆ بۆ ریزه‌كانی، كاتێك له‌ هاوینی رابردوودا، توانیی به‌ بۆندیكی 23.5 ملیۆن یۆرۆیی بیباته‌وه‌ ریزه‌كانی، له‌ كاتێكدا 12 ساڵ بوو له‌ یانه‌كه‌ دابڕابوو، كاتێك چووه‌ یانه‌ی ریاڵ مه‌دردید.
ڕۆناڵدۆ له‌ یه‌كه‌م یاریدا سه‌ركه‌وتوو بوو، دوو گۆڵێ به‌رانبه‌ر نیو كاسڵ تۆمار كرد و یانه‌كه‌ی 4-1 گۆڵ یارییه‌كه‌ی برده‌وه.
له‌و یارییه‌دا فێرگسۆن له‌سه‌ر په‌یژه‌ی یاریگه‌وه‌ سه‌یری یارییه‌كه‌ی ده‌كرد، كه‌ پێشتر وه‌كوو راهێنه‌ر سه‌رپه‌رشتیی بردنه‌وه‌ی 13 ناسناوی خولی ئینگلته‌رای بۆ یانه‌كه‌ كردبوو، له‌گه‌ڵ دوو ناسناوی چامپیۆنس لیگ له‌ ساڵانی نێوان 1986 و 2013ـدا، به‌ گه‌ڕانه‌وه‌ی ڕۆنالدۆ دڵخۆش بوو و ڕای گه‌یاند: گه‌ڕانه‌وه‌ی ناوازه‌ بوو، یارییه‌كی باشی كرد، ئه‌و رۆژه‌ی كه‌ گه‌ڕایه‌وه‌ و بینیم، به‌وه‌ ده‌چوو كه‌ قه‌یسه‌ر دوای سه‌ركه‌وتن گه‌ڕابێته‌وه‌ ڕۆما، گه‌ڕایه‌وه‌ و بینرا و جه‌نگا، كاره‌كه‌ زۆر ناوازه‌ بوو.
وتیشی: بۆ هه‌ر هانده‌رێكی مانچسته‌ر یونایتد، رۆژێكی خۆش بوو، به‌شێكیان له‌ یاریگه‌ بوون و سه‌دانیش له‌ ده‌ره‌وه‌.
وتیشی: رۆناڵدۆ قوربانیی به‌ خۆی دا بۆ ئه‌وه‌ی ببێته‌ باشترین، بیرم دێ كه‌ یاریمان له‌گه‌ڵ ئارسناڵ هه‌بوو، باران باریبوو له‌ بنكه‌ی مه‌شق، دوای مه‌شقی خۆمان چووه‌ ڕاهێنانی كرد، چوومه‌ لای و هۆشداریم دایه‌ و پێم گوت: سبه‌ی یاریمان هه‌یه‌ و زه‌وییه‌كه‌ شێدار و زۆر نه‌رمه‌، دواتر چوومه‌ نووسینگه‌ی خۆم و له‌ په‌نجه‌ره‌كه‌وه‌ ته‌ماشام كرد، بینیم چووه‌ نێو چیمه‌نه‌ ده‌ستكرده‌كه‌ بۆ مه‌شق، بۆیه‌ هیچ ڕێگرییه‌كی له‌پێش خۆی نه‌ده‌هێشت و به‌سه‌ریدا سه‌ر ده‌كه‌وت.

 

مامەیارە ئەحمەد - هەولێر

© 2017 Hawler