شوبات 27, 2020

"گریزمان له‌گه‌ڵ بارسێلۆنا گه‌یشتۆته‌ رێككه‌وتن"

میدیاكانی ئیسپانیا به‌ گه‌رمی ده‌نگۆی رێككه‌وتنی نێوان گریزمان و بارسێلۆنایان بڵاو كرده‌وه‌، ئاماژه‌یان بۆ ئه‌وه‌ش كردووه‌ كه‌ مێسی فشاری بۆ به‌رپرسانی یانه‌كه‌ی دروست كردووه‌ كه‌ په‌له‌ له‌ گواستنه‌وه‌ی گریزمان بكه‌ن.
رۆژنامه‌ی سپۆرتی كه‌ته‌لۆنیا له‌ چاپی دوێنێدا به‌ مانشێتێكی گه‌وره‌ نووسیویه‌تی: بارسێلۆنا و به‌ڕێوه‌به‌ری كاره‌كانی گریزمان گه‌یشتوونه‌ته‌ رێككه‌وتن و یاریزانه‌ فڕه‌نسیه‌كه‌ به‌ مووچه‌ی ساڵانه‌ی15 ملیۆن یۆرۆ ده‌بێته‌ یاریزانی بارسێلۆنا، كه‌ دووه‌م به‌رزترین مووچه‌ی یانه‌كه‌ ده‌بێت له‌ دوای لیۆنێل مێسی.
له‌ لایه‌كی دیكه‌یشه‌وه‌، رۆژنامه‌ی ئاسی مه‌دریدی گوومانی خسته‌ نێو ئه‌م گرێبه‌سته‌ و ده‌نووسێت: گریزمان دوو دڵه‌ له‌ جێهێشتنی ئاتڵێتیكۆ مه‌درید، له‌گه‌ڵ ئه‌وه‌شدا ئاره‌زوو ده‌كات په‌یوه‌ندی به‌ بارسێلۆنا بكات.
ئاس ئاماژه‌ی بۆ ئه‌وه‌ش كردووه‌ كه‌ نهێنێ په‌یوه‌ندیكردنی گریزمان به‌ بارسا، هۆكاره‌كه‌شی لیۆنێل مێسیه‌ و ئه‌و یاریزانه‌ ئارجێنتینیه‌ له‌ په‌یوه‌ندییه‌كی ته‌له‌فۆنی داوای لێكردووه‌ و ده‌یه‌وێت له‌ وه‌رزی داهاتوو له‌ ته‌نیشتی یاریی بكات و پێشوازی لێده‌كات په‌یوه‌ندی به‌ بارسا بكات.
ئانتوان گریزمانی ته‌مه‌ن 26 ساڵ، له‌ هاوینی 2014 به‌ بڕی 30 ملیۆن یۆرۆ له‌ یانه‌ی ریال سوسیداده‌وه‌ بۆ ئاتڵێتیكۆ مه‌درید گواسترایه‌وه‌ و تائێستا 268 یاری بۆ یانه‌ی مه‌دریدییه‌كه‌ ئه‌نجام داوه‌ و 112 گۆڵ و 40 ئاسیستی كردووه‌.

 

ئەسعەد ئیسماعیل- هەولێر

© 2017 Hawler