تشرینی یەکەم 21, 2020

بەرشلۆنە بە هەمان شێوازی سوارێز هۆشداری بە دێمبڵی دەدات

بەرشلۆنە بە هەمان شێوازی سوارێز هۆشداری بە دێمبڵی دەدات

                                                                                                                                       رۆژنامەی هەولێر، لە چوارچێوەی كۆهەواڵدا، رۆژانە تازەترین و گرینگترین هەواڵ و پێشهات و دەنگوباسە وەرزشییەكان بۆ گوێ و هزری خوێنەرانی دەگوازێتەوە، كە تێیدا پێشینهەواڵ بۆ گرینگترین و تازەترینیانە و بە هۆی فراوانیی بواری تۆپی پێ و فرەیی جەماوەر و هەواداری ئەو یارییەوە، پشكی شێر و زۆر بەر هەواڵەكانی ئەو یارییە دەكەون و لە كات و ئانوساتی پێشهات و هەواڵ و پاڵەوانیەتیی یارییەكانی دیكە، تیشكیان دەخرێتە سەر و پشكیان پاشگوێ ناخرێ، ئامانج لێی دانەبڕانی خوێنەرانە لە هەواڵ و ئاگەییە وەرزشییەكان و پەیبردنە بە سووچ و پەناكانی هەواڵە شاراوە و ئاشكرانەكراوەكان.

 

مانچستەر یونایتد لە ئیدینسۆن كاڤانی نزیك دەبێتەوە

ئیدینسۆن كاڤانی، كە لە ساڵی 2013ـدا لە یانەی ناپۆلییەوە چووە یانەی پاریس سان جێرمانی فەرەنسی و توانی یارمەتیی یانەكەی بدا لە بەدەستهێنانی شەش ناسناوی خولی ناوخۆیی وڵات، ئێستە لەلایەن یانەی مانچستەر یونایتدەوە خواستی دەستخستنی لەسەرە.

چاوەڕێ دەكرێ ئیدینسۆن كاڤانیی تەمەن 33 ساڵان بچێتە ریزەكانی یانەی مانچستەر سیتییەوە، بۆ ئەو مەبەستە ئەو یاریزانە ئۆروگواییە لەگەڵ بەرپرسانی یانە ئینگلیزییەكە دەستی بە گفتوگۆ كردووە، هەرچەندە تا ئێستە نەگەییشتوونەتە ڕێككەوتن، بەڵام چاوەڕێ دەكرێ بە گرێبەستێكی ماوە دوو ساڵە بچێتە خولی ئینگلیزییەوە.

دوای ئەوەی لە كۆتایی یۆنیۆی رابردووەوە لە یانە فەرەنسییەكە دابڕاوە، گرێبەستی لەگەڵ هیچ یانەیەكدا نەكرد، لە كاتێكدا وا باس دەكرا بە هۆی ناكۆكییەوە لەگەڵ نێیمار ریزەكانی ئەو یانەیەی جێ هێشتبێت.

كاڤانی روونی كردووەتەوە، هێشتا زۆری پێیە تا پێشكەشی تۆپی پێی ئەورووپای بكات.

 

یانەی لیۆن لە فرۆشتنی دیبای پەشیمان دەبێتەوە

هەرچەندە یانەی لیۆنی فەرەنسی بڕیاری دابوو ممفێس دیبای لە ریزەكانی بەڕێ بكا، بەڵام تا ئێستە چارەنووسی دیار نییە و یانەكە لەو بڕیارە ڕەهایەی پەشیمان بووەتەوە.

دوێنێ یەكشەممە، راپۆرتی مێدیا فەرەنسییەكان، دووپاتیان كردەوە، كە چارەنووسی یاریزانی هۆڵەندی یانەی لیۆن تا ئێستە یەكلا نەبووەتەوە.

بەڵام جان میشێل ئۆلاس، سەرۆكی یانەی لیۆن دوێنێ بڵاوی كردەوە، كە چارەنووسی دیبای یەكلا كراوەتەوە و ئەم وەرزەیش لەگەڵ یانەكەیاندا بەردەوام دەبێت.

رۆژنامەی لیكیپی فەرەنسی، ئاماژەی بەوە كردووە، كە سەرۆكی یانەی لیۆن ناچار بووە لەو هەڵوێستەی پێشتری لەسەر فرۆشتنی دیبای پەشیمان بێتەوە، ئەوەیش بە هۆی دۆخی سەختیی دارایی یانەكە لەم وەرزەدا.

رۆژنامەكە روونی كردووەتەوە، كە دیبای پێشتر نیگەران بووە لە گوتە و هەڵوێستەكەی سەرۆكی یانەكە، بەڵام دوای ئەو لێدوانەی دوایی، ڕەوشەكەی بۆ ئاسایی بووەتەوە.

بۆ زانین، رۆناڵدۆ كۆمانی راهێنەری بەرشلۆنە، زۆر هەوڵی دا یانەی بەرشلۆنە بۆند لەگەڵ ئەو یاریزانە هاونیشتمانییەیدا واژۆ بكات، بەڵام بۆی نەچووە سەر.

 

بەرشلۆنە بە هەمان شێوازی سوارێز هۆشداری بە دێمبڵی دەدات

پێش ئەوەی ماوەی گواستنەوەی هاوینە كۆتایی پێ بێ، یانەی بەرشلۆنە دەیەوێ دەستبەرداری عوسمان دێمبلی، یاریزانی باڵی یانەكە بێت.

رۆژنامەی مۆندۆ دیپۆرتیڤۆی ئیسپانی بڵاوی كردەوە، كە رۆناڵد كۆمانی راهێنەری بەرشلۆنە، خەونی دەستخستنی ممفێس دیبای لە لیۆنەوە بۆ نابێتە ڕاستی تا ئەوكاتەی دەستبەرداری عوسمان دێمبلی نەبێت.

یانەی بەرشلۆنە هیشتا چاوەڕوانی بڕیاری عوسمان دێمبلی دەكات بۆ رۆییشتنی لە یانەكە، یانەكەی هۆشداری پێ داوە بە ناڕاستەوخۆ بەوەی ریزەكانیان جێ بهێڵێت.

كۆمان، هەمان ئەو وشانەی بۆ سوارێزی بەكار هێنا، بۆ عوسمان دێمبلیشی دووبارە كردەوە، لە باری هەلی بەشداریكردنی لە یارییەكانی بەرشلۆنە.

مێدیاكە بڵاوی كردووەتەوە، كە گوتەكانی كۆمان، بە روونی دەریدەخست یانی دێمبلی یاریزانی سەرەكی نابێت و هەریەك لە ئەنسۆ فاتی و ئەنتوان گریزمان و فرانسیسكۆ ترینكاو كۆنراد دی لاڤۆیتی لەو بە باشتر داناوە.

مۆند بڵاوی كردووەتەوە، كە چاوەڕێی دوابڕیاری عوسمان دەكەن، ئەگەر بڕیاری كۆتایی دا و ریزەكانی كامپ نۆی جێهێشت، یانەكە یەكسەر ڕوووە و دیبای دەجووڵێت، ئەمە لە كاتێكدایە لیۆن فرۆشتنی دیبای رەت كردووەتەوە و مانەوەی بۆ وەرزێكی دیكە لە یانەكەیان ڕاگەیاند، بەڵام مێدیاكان پێیان وایە رۆییشتنی دێمبلی، سەرلەنوێ بڕیاری لیۆن دەگۆڕێ و هاوكێشەكان بە جۆرێكی دیكە دەگۆڕێن.

 

مامەیارە ئەحمد

© 2017 Hawler