ئاب 12, 2020

یۆرگن كڵۆپ هه‌وادارانی لیڤه‌رپوول تووشی شۆك ده‌كات

ئەسعەد ئیسماعیل- هەولێر

 

سه‌ره‌ڕای ئه‌وه‌ی دژایه‌تییه‌كی گه‌وره‌ و له‌ مێژینه‌ له‌ نێوان لیڤه‌رپوول و مانچێسته‌ر یونایتد هه‌یه‌، به‌ڵام یۆرگن كلۆپ ستایشی ئالێكس فێرگسۆن ده‌كات و ده‌ڵێت: بینینی فێرگسۆن هیچ جیاوازییه‌كی له‌گه‌ڵ بینینی پاپا نییه‌.

لێدوانه‌كانی كڵۆپ هه‌وادارانی لیڤه‌رپوولی تووشی شۆك كردووه‌، به‌وپێیه‌ی قه‌ده‌غه‌یه‌ هیچ كه‌سێك له‌و یانه‌یه‌ ستایشی یاریزان و كه‌سایه‌تییه‌كی مان یونایتد بكات، به‌ڵام كڵۆپ دوای ئه‌وه‌ی خه‌ڵاتی باشترین راهێنه‌ری پرێمه‌رلیگی وه‌رگرت، راشكاوانه‌ گوتی: ده‌زانم ئه‌و قسه‌یه‌ له‌سه‌رم ده‌كه‌وێت، به‌ڵام نایشارمه‌وه‌ من سه‌رسامم به‌ یۆرگن كلۆپز
یۆرگن كلۆپ راهێنه‌ری یانه‌ی لیڤه‌رپوول دوای ئه‌وه‌ی سه‌ركردایه‌تی یانه‌كه‌ی كرد له‌ بردنه‌وه‌ی نازناوی پرێمه‌رلیگ بۆ یه‌كه‌مجار دوای 30 ساڵ، له‌لایه‌ن ئه‌نجوومه‌نی راهێنه‌رانی پرێمه‌رلیگ زۆرترین ده‌نگی به‌ده‌ستهێنا و به‌ فه‌رمی خه‌ڵاتی باشترین راهێنه‌ری ئه‌م وه‌رزه‌ی پێبه‌خشرا، كه‌ خه‌ڵاته‌كه‌ به‌ناوی سێر ئالێكس فێرگسنی راهێنه‌ری پێشووی مانچێسته‌ر یونایتده‌.
یۆگن كلۆپ دوای 30 ساڵ نازناوی پرێمه‌رلیگی بردوه‌وه‌، هه‌ر ئه‌مه‌ش وایكرد به‌ باشترین راهێنه‌ری ئه‌م وه‌رزه‌ی پرێمه‌رلیگ دیاریی بكرێت، ئه‌مه‌ش له‌ كاتێكدابوو لیڤه‌رپوول هه‌ر له‌م وه‌رزه‌دا به‌ رابه‌رایه‌تی كلۆپ توانی جامی جیهانی یانه‌كان به‌ده‌ست بهێنێت.

فێرگسۆن: كڵۆپ راهێنه‌رێكی نایابه‌
دوای ئه‌وه‌ی خه‌ڵاتی باشترین راهێنه‌ری پرێمه‌رلیگ كه‌ به‌ ناوی فێرگسۆنه‌وه‌یه‌ درا به‌ كڵۆپ، راهێنه‌ری سكۆتڵه‌ندی پێشووی شه‌یتانه‌ سووره‌كان ئه‌لێكس فێرگسۆن گوتی: یۆرگن كڵۆپ راهێنه‌رێكی نایابه‌، لیڤه‌رپوول 30 ساڵ چاوه‌ڕێی كرد بۆ ئه‌وه‌ی نازناوی پرێمه‌رلیگ بباته‌وه‌، ئه‌مه‌ شتێكی باوه‌ڕپێنه‌كراوه‌، بۆیه‌ به‌ هه‌موو پێوه‌رێك كڵۆپ شایسته‌ی ئه‌و خه‌ڵاته‌ بوو، كلۆپ ئه‌م خه‌ڵاته‌ی له‌ چنگی پێپ گواردیۆلای راهێنه‌ری مانچێسته‌ر سیتی ده‌رهێنا كه‌ له‌ دوو وه‌رزی رابردوو توانی خاوه‌نداریه‌تی ئه‌م خه‌ڵاته‌ بكات.

كڵۆپ: به‌م پیاوه‌ سه‌رسامم
یۆرگن كڵۆپ راهێنه‌ری لیڤه‌رپوول له‌ لێدوانێكدا گوتی: زۆر دڵخۆشم به‌ بردنه‌وه‌ی ئه‌م خه‌ڵاته‌، به‌تایبه‌ت كه‌ ناوی لێنراوه‌ سێر ئالێكس فێرگسن، من زۆر به‌ كه‌سایه‌تی ئه‌م پیاوه‌ سه‌رسامم، هه‌ستێكی تایبه‌تم هه‌یه‌ كه‌ ئه‌م خه‌ڵاته‌م به‌ده‌ستهێناوه‌، چونكه‌ راهێنه‌ران ده‌نگیان له‌سه‌ر داوه‌، شانازییه‌ كه‌ وه‌كو راهێنه‌رانی پێشوو ده‌بمه‌ خاوه‌نی ئه‌م خه‌ڵاته‌، به‌تایبه‌ت راهێنه‌رانی پێشووی لیڤه‌رپوول.
كلۆپ گوتیشی: ساڵانێكی زۆر له‌مه‌وبه‌ر، ده‌رفه‌تێكی مێژووییم بۆ ره‌خسا، توانیم له‌ به‌یانییه‌كی زوو به‌ رێككه‌وت له‌گه‌ڵ ئالێكس فێرگسۆن نانی به‌یانی بخۆم، نازانم ئه‌و ئه‌م بیره‌وه‌رییه‌ی له‌ یاد ماوه‌، به‌ڵام من هه‌رگیز له‌بیری ناكه‌م، خۆشترین ساته‌كانی ژیانم بوو، بینینی فێرگسۆن هیچ جیاوازییه‌كی نییه‌ له‌گه‌ڵ بینینی پاپا.
یۆرگن كلۆپ به‌ ته‌واوه‌تی گۆڕانكاری له‌ لیڤه‌رپوول  كردووه‌ و له‌گه‌ڵ ئه‌م یانه‌یه‌ توانی نازناوی خولی یانه‌ پاڵه‌وانه‌كانی ئه‌وروپا و جامی جیهانی یانه‌كان و پرێمه‌رلیگ بباته‌وه‌ .

گواردیۆلا دڵی هانده‌رانی ریال مه‌دریدی خۆشكرد
سێرخیۆ ئەگوێرۆ هێرشبه‌ری ئه‌رژه‌نتینی یانه‌ی مان سیتی مانگی رابردوو تووشی پێکان بوو و لەو کاتەوە نەیتوانیوە بەشداری هیچ یارییەکی یانەکەی بکات و بە گشتی 10 یاریی یانەکەی لەدەستداوە.
له‌مباره‌یه‌وه‌، پێپ گواردیۆلا راهێنه‌ری یانەی مانچیستەر سیتی ئینگلیزی له‌ لێدوانێكدا رایگه‌یاند كه‌ سێرخیۆ رامۆس بۆ یارییه‌كیه‌ ریال مه‌درید له‌ یاری گه‌ڕانه‌وه‌ی چامپیۆنزلیگ ئاماده‌ نابێت.
گواردیۆلا گوتیشی: به‌داخه‌وه‌ گۆڵکاری مێژوویی یانەکەمان سێرخیۆ ئه‌گوێرۆ بە هۆی ئەو پێکانەی تووشی بووە، ناتوانێت بۆ یارییەکەی یانەکەی بەرامبەر ریال مەدرید بەشداری بکات، هه‌رچه‌نده‌ ماوەیەکە دەستی بە راهێنانەکانی کردووە و هەوڵی داوە بۆ یارییەکە ئامادەبێت، به‌ڵام من ئاماده‌ نیم سه‌ركێشی به‌و یاریزانه‌م بكات، سه‌لامه‌تی ئه‌و بۆمن له‌ هه‌موو شتێك گرینگتره‌.

ئارسه‌ر میللۆ بارسێلۆنا تووشی كێشه‌ ده‌كات
رۆژنامه‌ی سپۆرتی ئیسپانی بڵاویكردووه‌ته‌وه‌ ئارسه‌ر میلۆی به‌رازیلی دوای واژۆكردنی گرێبه‌ست له‌گه‌ڵ یوڤێنتۆس بۆ ماوه‌ی پێنج ساڵ، ره‌تیده‌كاته‌وه‌ بگه‌ڕێته‌وه‌ بارسێلۆنا و له‌گه‌ڵ یانه‌كه‌ی به‌شداری مه‌شقه‌كان بكات، كه‌ یانه‌ كه‌ته‌لۆنیه‌كه‌ ئاماده‌كاریی بۆ یارییه‌كه‌ی به‌رامبه‌ر ناپۆلی له‌ چامپۆنزلیگ ده‌كات،
سه‌رچاوه‌كه‌ ئاماژه‌ی به‌وه‌ش كردووه‌ ئه‌م ناوه‌راستكاره‌ به‌رازیلیه‌ بۆ ماوه‌یه‌كی كورت له‌ دوورگه‌ی ئیبیزا كاته‌كانی به‌سه‌ر بردووه‌ پێش ئه‌وه‌ی گه‌شتی به‌رازیل بكات.
رۆژنامه‌كه‌ ئه‌وه‌شی خستۆته‌ڕوو كه‌ به‌رپرسانی بارسا له‌م یاریزانه‌ توڕه‌ن كه‌ له‌ واده‌ی دیاریكراو نه‌گه‌ڕاوه‌ته‌وه‌ و سه‌رپێچی یاساكانی یانه‌كه‌ی كردووه‌ و ره‌نگه‌ سكاڵای له‌سه‌ر تۆمار بكرێت.
سه‌رچاوه‌كه‌ ئه‌وه‌شی نووسیوه‌: دوای ئه‌وه‌ی ئارسه‌ر واژۆی له‌سه‌ر گرێبه‌ستی یوڤی كرد، كیكی به‌و یاریزانه‌ی راگه‌یاندووه‌ كه‌ به‌شداریی پێ ناكات له‌ هیچ یارییه‌كی لالیگا، ئه‌مه‌ش ئارسه‌ری توڕه‌كردووه‌، ئێستا ده‌یه‌وێت تۆڵه‌ی خۆی له‌ كیكی بكاته‌وه‌ و بۆ یارییه‌كه‌ی چامپیۆنزلیگ ئاماده‌كاری له‌گه‌ڵ بارسێلۆنا نه‌كات.

© 2017 Hawler