کانونی دووەم 20, 2018

سبه‌ی بارسێلۆنا و ریال مه‌درید به‌بێ كریستیانۆ و مێسی یاری ده‌كه‌ن

یانه‌كانی ریال مه‌درید و بارسێلۆنا ئاماده‌كارییه‌كانی به‌بێ كریستیانۆ رۆناڵدۆ و لیۆنێل مێسی بۆ یاری داهاتووی له‌ جامی شای ئیسپانیا ده‌ستپێكرد. بڕیاره‌ رۆژی پێنجشه‌ممه‌ی داهاتوو له‌ جامی شای ئیسپانیا، له‌ كاتژمێر 9:00ـی شه‌و به‌ كاتی باشووری كوردستان، یانه‌ی بارسێلۆنا له‌ ده‌ره‌وه‌ی یاریگه‌ی خۆی رووبه‌ڕووی یانه‌ی سێلتا ڤیگۆ ببێته‌وه‌. ئارنیستۆ ڤاڵڤێردی راهێنه‌ری یانه‌ی بارسێلۆنا بۆ ئه‌م یارییه‌ پشووی زیاتری به‌ لیۆنێل مێسی داوه‌ كه‌ هێشتا له‌ ئارجێنتینایه‌ و نه‌گه‌ڕاوه‌ته‌وه‌ كه‌ته‌لۆنیا. به‌ گوێره‌ی رۆژنامه‌ی موندۆ دیپۆرتیڤۆ، ڤاڵڤێردی بۆ ئه‌م یارییه‌ به‌رپرسیاریه‌تی پڕكردنه‌وه‌ی شوێنی مێسی به‌ یاریزانی به‌رازیلی پاوڵینهۆ ده‌به‌خشێت. ڤاڵڤێردی له‌ باره‌ی پاوڵینهۆ رایگه‌یاندووه‌ كه‌ ئه‌و یاریزانه‌ به‌رده‌وام به‌ پێشكه‌شكردنی ئاستێكی به‌رز ده‌می ره‌خنه‌گران داده‌خات. له‌ هه‌مان رۆژ یانه‌ی ریال مه‌درید له‌ ده‌ره‌وه‌ی یاریگه‌ی خۆی له‌ كاتژمێر 11:00ـی شه‌و ده‌بێته‌ میوانی یانه‌ی نۆمانسیا. له‌ لایه‌كی دیكه‌یشه‌وه‌، رۆژنامه‌ی ماركا ئاشكرای كردووه‌ كه‌ زینه‌دین زێدان بۆ ئه‌م یارییه‌ كریستیانۆ رۆناڵدۆی ئه‌ستێره‌ی پورتوگالی بانگهێشت ناكات و زیاتر پشت به‌ یاریزانه‌ لاوه‌كان ده‌به‌ستێت.

© 2017 News247 All Rights Reserved. Designed By Tripples

Please publish modules in offcanvas position.