حوزەیران 02, 2020

زۆرترین بینراو وه‌رزش

Error: No articles to display

گۆڵكاره‌ مێژووییه‌كه‌ی هه‌ندرێن یانه‌كه‌ی جێهێشت

ئامانج ئه‌كره‌م، هێرشبه‌ری یانه‌ی هه‌ندرێن رۆیشتنی له‌ یانه‌ی هه‌ندرێن راگه‌یاند و ئاشكرای كرد له‌ ئیسته‌دا هیچ په‌یوه‌ندییه‌كی به‌ یانه‌كه‌وه‌ نه‌ماوه‌، له‌ داهاتووشدا بریار له‌سه‌ر چاره‌نووسی خۆی ده‌دات.

ده‌رباره‌ی پرسی رۆیشتنی له‌ یانه‌ی هه‌ندرێن و هۆكاری جێهێشتنی یانه‌كه‌ ئامانج به‌مشێوه‌ هۆكاره‌كه‌ی بۆ رۆژنامه‌ی هه‌ولێر ئاشكرا كردوو وتی: له‌م وه‌رزه‌دا به‌هۆی گۆڕینی شوێنی یاریكردنم له‌ لایه‌ن راهێنه‌ره‌وه‌ نه‌متوانی ئاستی راسته‌قینه‌ی خۆم نیشان بده‌م، هه‌روه‌ها سوودێكی زۆر به‌یانه‌كه‌ بگه‌ینم، ئه‌مه‌ش وای كرد بیر له‌ رۆیشتنی یانه‌كه‌ بكه‌مه‌وه‌، چونكه‌ ئه‌و شوێنه‌ی راهێنه‌ر بۆی دیاری ده‌كردم له‌نێو یاریگه‌ له‌ كاتی یارییه‌كان پێگه‌ی یاریكردنی من نه‌بوو، كه‌ زۆرجار له‌ باڵه‌كان یاریی پێده‌كردم، بۆیه‌ش به‌شێوه‌یه‌كی باش ده‌رنه‌ده‌كه‌وتم، هه‌ستم به‌ ئاسووده‌ی نه‌ده‌كرد، ئامانج ئاماژه‌ی به‌وه‌شدا، كه‌ تێگه‌یشتنی هه‌ردوو لا گه‌یشتنه‌ ئه‌و بڕیاره‌ی كه‌ یانه‌كه‌ جێبێڵم و ئازادبم ئه‌وانیش ده‌ستبه‌ردارم بوون.
له‌سه‌ر پرسی ئه‌و یانه‌ی له‌ داهاتوویاریی بۆ ده‌كات یاخود په‌یوه‌ندی به‌ كام تیپه‌وه‌ ده‌كات،  ئامانج گوتی: له‌ ئیسته‌دا سێ یانه‌ له‌سه‌ر هێلن تا په‌یوه‌ندیان پێوه‌ بكه‌م، به‌ڵام تا كاتی ماوه‌ی گواستنه‌وه‌كانی تایبه‌ت به‌ خولی نایابی كوردستان، بڕیاری رۆیشتن بۆ هیچ یانه‌یه‌ك ناده‌م، به‌ڵام بێگومان ئه‌و تیپه‌ی رووی تێده‌كه‌م، ده‌بێت له‌گه‌ڵ شێواز و خواستی یاریی كردنی من گونجاوبێت، تا ئاستی راسته‌قینه‌ی خۆم نیشان بده‌م.
ئامانج ئه‌م وه‌رزه‌ له‌ سێ یاری یه‌ده‌گ بووه‌ و یارییه‌كیش به‌هۆی پێكان یاریی نه‌كردووه‌، ته‌نها دوو گۆڵی تۆمار كردووه‌، پێشووتر بۆ یانه‌كانی برایه‌تی و یانه‌ی ئاكرێ یاریی كردووه‌، یه‌كێكه‌ له‌ هیرشبه‌ دیاره‌كانی كوردستان، كه‌ به‌خاوه‌ن خێرایه‌كی زۆر ده‌ناسرێت.

 

بارزان ئەكرەم - هەولێر

دواترین دەستکاریکردن لەسەر سێ شەممە, 14 کانونی دووەم 2020 11:20
© 2017 Hawler