ئەیلول 21, 2019

یانه‌ی برایه‌تی له‌ پاڵه‌وانیەتیی عه‌رەب ئه‌نجامی باشی به‌ده‌ستهێناوه‌

تیپی سه‌رمێزی یانه‌ی برایه‌تی به‌ نوێنه‌رایه‌تی وڵاتی عێراق به‌شداریكرد له‌ پاڵه‌وانێتی یانه‌ پاڵه‌وانه‌كانی عه‌ره‌بی كه‌ 31 مین جاره‌ له‌ شاری ئه‌گادیری مه‌غریبی به‌ڕیوه‌ده‌چێت، ماوه‌ی چوار رۆژ له‌ ململانێكه‌ به‌رده‌وام بوو.
برایه‌تی دوای ئه‌وه‌ی یانه‌ی سناعه‌ی شاری به‌غدا نه‌یتوانی به‌هۆی قه‌یرانی دارایه‌وه‌ به‌شداری بكات له‌بری ئه‌و بۆ پاڵه‌وانێتییه‌كه‌ بانگهێشتكرا، به‌ چوار یاریزان به‌شداربوو، ئه‌وانیش (ئه‌بوبه‌كر سه‌عدوڵا، سه‌لام ئه‌حمه‌د، كارزان محه‌مه‌د، ئه‌نوه‌ر موئه‌یه‌د) به‌راهێنه‌رایه‌تی به‌شدار سه‌ربه‌رست.
برایه‌تی گه‌یشته‌ قۆناخی هه‌شتی پاڵه‌وانێتییه‌كه‌ دوای بردنه‌وه‌ی له‌ یانه‌كانی شه‌باب ئه‌ربیعای جه‌زائیری، فه‌تح مه‌غریبی برده‌وه‌ دواتر به‌ یانه‌ی به‌حرێنی به‌حرێنی دۆڕا، به‌ڵام له‌ یاریی چواره‌می كۆمه‌ڵه‌ی خۆی له‌ جه‌زیره‌ی سودانی برده‌وه‌ و به‌ پله‌ی دووه‌م گه‌یشته‌ قۆناخی هه‌شتی پاڵه‌وانێتییه‌كه‌، له‌م قۆناخه‌شدا رووبه‌ڕووی یانه‌ی قه‌ته‌ری قه‌ته‌ری بووه‌وه‌، كه‌ یاریزانێكی به‌ره‌گه‌ز چینی هێنابوو ره‌گه‌زنامه‌ی قه‌ته‌ری بۆ كردووه‌، هه‌روه‌ها یاریزانێكی پیشه‌گه‌ری چینی هێناوه‌، بۆیه‌ برایه‌تی له‌به‌رده‌م تاقی كردنه‌وه‌یه‌كی زه‌حمه‌تدا تووشی شكستهات، دواتر بۆ دیاری كردنی ریزبه‌ندی یانه‌كان له‌ سنگڵی فه‌ڵه‌ستینی برده‌وه‌، به‌ڵام له‌ یاریی دواتر به‌ به‌حرێنی به‌حرێنی دۆڕاو پله‌ی شه‌شه‌می پاڵه‌وانیتییه‌كه‌ بووه‌ به‌شی برایه‌تی.
برایه‌تی له‌ بری سناعه‌ به‌شداری كردووه‌، یانه‌ی سلێمانیش به‌هۆی نه‌گه‌ڕانه‌وه‌ی فیزه‌كه‌ی نه‌یتوانی به‌شداری ئه‌م پاڵه‌وانێتییه‌ بكات، له‌ پاڵه‌وانێتی یانه‌ پاڵه‌وانه‌كانی عه‌ره‌بی بۆ تۆپی سه‌رمیز، كه‌ له‌ شاری ئاگادیری مه‌غریبی به‌ڕێوه‌ده‌چیت، 20 یانه‌ به‌شداریان كردبوو.

 

بارزان ئەكرەم - هەولێر

© 2017 Hawler