کانونی یەکەم 07, 2019

پایسکلسواری شەوانە لە هەولێر بەڕێوە چوو

بە بۆنەی دەستپێکردنی کاری تیمی پایسکلسواری هەڵۆ (گرووپی شاخەوانیی ‌‌هەڵۆ) رێپێوانێکی پایسکلسواری لە شاری ھەولێری پایتەخت بە بەشداری هەندێک لە شاخەوانان و سەرۆکی فیدراسیۆنی شاخەوانیی کوردستان و بەرپرسی ناوەندی ھەولێری فیدراسیۆن بە ڕێوە چوو. مەبەست لەم چالاکییە، ھاندانی دانیشتوانی ھەولێر بۆ وەرزشکردن لە پێناو تاک و کۆمەڵگەیەکی سەلامەت لە ڕووی دەروونی و جەستەییەوە.
تیمی پایسکلسواری هەڵۆ بۆ ئەنجامدانی چالاکی وەرزشی لە کویستانەکان بە شێوەی ئاف-رۆد کار دەکات و بوارێکی تر لە وەرزشەکانی پەیوەست بە شاخ بۆ ئارەزوومەندان دەکاتەوە.
فیدارسیۆنی شاخەوانیی کوردستان وێڕای هاندان و دەستخۆشی و ماندوونەبوونیان، داوا لە گرووپەکانی تر، وەرزشوانان و بە تایبەت شاخەوانانی ئارەزوومەندی ئەم چالاکییانە دەکات، کە سەرنجی زیاتر بدەنە ئەم بوارانە کە کاریگەریی زۆری لە سەر سەلامەتی و شادیی تاکی نێو کۆمەڵگە و تەنانەت ئامادەیی جەستەییان بۆ کاری شاخەوانیی پێشکەوتوو هەیە.

© 2017 Hawler