تشرینی یەکەم 16, 2019

رێباز عه‌بدوڵڵا له‌ نووسینه‌وه‌ی ریكۆردێكی مێژوویی نزیك بۆته‌وه‌

له‌ گه‌ڕی 34ـه‌می خولی نایابی عێڕاقی هه‌ولێر له‌ یاریگای مینا به‌ خاڵێك گه‌ڕایه‌وه‌، دوای ئه‌وه‌ی به‌بێ گۆڵ یه‌كسان بوون، گۆڵپارێزی هه‌ولێرله‌ یارییه‌كه،‌ رێباز عه‌بدوڵڵا خاڵی به‌هێزی زه‌ردپۆشه‌كانی پایته‌ختی باشووری كوردستان بوو، رێباز توانی چه‌ندان هێرشێكی مه‌ترسیداری تیپی میوان به‌رپه‌رچ بداته‌وه‌ و تۆڕی گۆڵه‌كه‌ی به‌ خاوێنی رابگرێت.

رێباز له‌ نووسینه‌وه‌ی ریكۆرده‌كه‌ی به‌رده‌وامه‌
 رێبازی 28 ساڵان له‌م وه‌رزه‌یدا هه‌شته‌مین كلین شیتی تۆمار كرد و هه‌زار و هه‌شتا خوله‌كه‌ تۆڕی گۆڵه‌كه‌ی به‌ خاوێنی هێشتۆته‌وه‌، له‌ كۆی 12 یارییش ته‌نها 4 گۆڵی لێكراوه‌، نزیكه‌ له‌وه‌ی ریكۆردێكی مێژووی بۆ خۆی یانه‌ی هه‌ولێر له‌سه‌ر ئاستی ئه‌م وه‌رزه‌ی خولی عێراقی تۆمار بكات، هه‌رچه‌نده‌ له‌ سه‌ره‌تای خوله‌كه‌وه‌ به‌شێوه‌ی سه‌ره‌كی یاریی نه‌كردووه‌، به‌ڵام له‌گه‌ڵ هاتنی ئه‌كره‌م سه‌لمان به‌شێوه‌ی سه‌ره‌كی یاریی ده‌كات و شوێنی خۆی له‌ پێكهاته‌ی سه‌ره‌كی پاراستووه‌ و سه‌رنجی هه‌مووانی بۆ لای خۆی راكیشاوه‌، ئێستا به‌ پڵنگه‌كه‌ی هه‌ولێر ناسراوه‌، چاوه‌ڕوانده‌كرێت له‌ داهاتوو ئاستێكی نایابتر پێشكه‌ش بكات.

چیرۆكی دوایین یاری یانه‌ی هه‌ولێر
هه‌و‌لێر له‌ دوایین یاری به‌رامبه‌ر مینا به‌ خاڵێك رازیبوو، له‌ نیوه‌ی یه‌كه‌م هه‌ولێرییه‌كان باڵا ده‌ستبوون، كۆنتڕۆڵی تۆپیان كردبوو، به‌ڵام هه‌موو لێدانه‌كانیان بۆ گۆڵی مینا سوودی نه‌بوو، چونكه‌ نه‌یانتوانی گۆڵ تۆمار بكه‌ن، به‌ڵام له‌ نیوه‌ی دووه‌م به‌هۆی به‌رزی پله‌ی گه‌رمی فشاری مینا بۆ سه‌ر یاریزانانی هه‌ولێر زه‌ردپۆشه‌كان ئاستیان دابه‌زی، یاریی به‌ یه‌كسان بوون كۆتایی هات، رۆژی شه‌ممه‌ی داهاتووش هه‌ولێر له‌ نێو یاریگه‌ی خۆی میوانداریی یانه‌ی كه‌رخی به‌غدا ده‌كات.

دۆخی یانه‌ی هه‌ولێر له‌ ریزبه‌ندی خوله‌كه‌
بارودۆخی ئێستای پاسه‌وانانی قه‌ڵا به‌مشێوه‌یه‌، هه‌ولێر به‌ ئه‌نجامدانی 34 یاریی، 10 یاریی بردۆته‌وه‌، له‌ 11 یاریش یه‌كسان بووه‌، 13 یاریشی دۆڕاندووه‌، 29 گۆڵی كردووه‌ و 32 گۆڵیشی لێكراوه‌، به‌ كۆكردنه‌وه‌ی 41 خاڵ له‌ خانه‌ی یازده‌یه‌می ریزبه‌ندییه‌كه‌ دێت، تاڕاده‌یه‌كی زۆر ئه‌و ئامانجه‌ی هه‌ولێر هه‌یبوو بۆ مانه‌وه‌ خه‌ریكه‌ بیهێنێته‌دی، چونكه‌ یانه‌ی به‌حری ته‌نها 20 خاڵی هه‌یه‌، به‌فه‌رمی بۆ ریزی پله‌یه‌كه‌كان دابه‌زیوه‌، زۆرترین گۆڵیشی تا ئێستا له‌ خوله‌كه‌ لێكراوه‌، كه‌ 58 گۆڵه‌، یانه‌ی حوسێنیش ته‌نها یه‌ك دۆڕانی دیكه‌ی پێویسته‌ تا به‌فه‌رمی ماڵئاوای له‌ خولی نایابی عێراقی بكات.
یانه‌ی شورته‌، 33 یاریی كردووه‌، 25 یاریی بردۆته‌وه‌، 7 یاریی یه‌كسان بووه‌، ته‌نها یه‌ك یاریی دۆڕاندووه‌، 69 گۆڵی كردووه‌ و 17 گۆڵی لێكراوه‌، كه‌ كه‌مترین گۆڵیلێكراوه‌ و به‌ 82 خاڵ پێشه‌نگی ریزبه‌ندییه‌كه‌ی گرتووه‌، به‌ جیاوازی 7 خاڵ له‌ پێش قوه‌ی جه‌وه‌ی خاوه‌ن پله‌ی دووه‌مه‌، ئه‌مرۆ ئێواره‌ شورته‌ كاتژمێر 6 میوانداری یانه‌ی به‌غداد ده‌كات.
عه‌لا عه‌بدولزه‌هرا هێرشبه‌ری یانه‌ی شورته‌ به‌ تۆمار كردنی 28 گۆڵ تا ئێستا گۆڵكاری خولی نایابی عێراقییه‌.

 

بارزان ئەكرەم - هەولێر

© 2017 Hawler