ئاب 22, 2019

ناڤه‌ند مه‌شهوود، یاریزانی ئه‌کادیمی کورد له نه‌روێژ

به هۆی به‌رفراوانبوونی ئاستی جه‌ماوه‌ری وه‌رزش به گشتی و یاریی جه‌ماوه‌ری یه‌که‌م تۆپی پێ به‌تایبه‌تی، ئێستا ده‌بینرێ به‌وه‌ی بایه‌خدان به کردنه‌وه‌ی ئه‌کادیمیه‌ وه‌رزشییه‌کان بۆته‌ خاڵێکی گرینگ له‌لایه‌ یانه‌ وه‌رزشییه‌کاندا مه به‌ستیش بۆ بایه‌خی زیاتر هه روه ها په‌ره‌پێدان و به‌رچاوخستنی ئاستی یاریزان له ناو یاریگادا تاوه‌کو ئاستیان به‌شێوه‌یه‌کی ئه‌کادیمی بخه‌نه به‌رچاوی جه‌ماوه‌ری وه‌رزشی، جالێره‌دا یاریزانانی ته‌مه‌ن بچووک ده‌بنه‌ نیشانه‌ و هێمایه‌ک بۆ پسپۆڕ و ڕاهێنه‌ر و به‌رسانی یانه‌کان، نه‌خاسمه له‌م چه‌ند ساڵانه‌ی دواییدا به‌ڕێژه‌یه‌کی زۆر به‌رچاو یانه‌کان بایه‌خ به‌م ئه‌کادیمییه‌ وه‌رزشییه كان ده‌ده‌ن ئه‌گه‌رچی جاران بوونی هه‌بووه‌، به‌ڵام ئێستا زۆرتر به‌رچاو ده‌که‌وێت.

له‌ وڵاتی نه‌روێژ وه‌ک زۆربه‌ی وڵاتانی دیکه‌ی جیهان یانه وه‌رزشییه‌کان به‌تایبه‌ت تیپه‌کانی تۆپی پێ بایه‌خ به‌ ئه‌کادیمی وه‌رزشی ده‌ده‌ن. یانه‌ی (سترۆمسجۆست)ـی دڕامین یه‌کێکه‌ له یانه دیاره‌کانی ئه‌م وڵاته‌دا له پله‌ی نایاب یاریی ده‌کات، یاریزانی تازه‌پێگه‌یشتووی کورد (ناڤه‌ند مه‌شهود گولی) یه‌کێکه له‌و یاریزانانه‌ی که‌وا به پله‌ی نایاب له کۆی 75 یاریزان له‌گه‌ڵ سێ یاریزانی دیکه‌ی له تاقیکردنه‌وه‌کان ده‌رچووه‌ ئێستا سه‌رقاڵی یارکردنه له پاڵه‌وانێتیه‌ جیهانییه‌کاندا، ئه‌مه‌و له لێدوانێکیدا ناڤه‌ند ده‌ڵێ، خۆشحاڵم به‌وه‌ی وه‌ک کوردێک له‌و ئه‌کادیمیه‌ وه‌رگیراوم که به‌ شه‌هاده‌تی زۆربه‌ی پسپۆڕان ئاستم ڕۆژ له‌ دوای ڕۆژدا به‌ره‌وهه‌ڵکشاند ده‌چێت، به‌تایبه‌تی له‌و ماوه‌یه‌ی دواییدا له دوو پاڵه‌وانێتی ئه‌کادیمی یانه‌کانی جیهاندا له هه‌ردوو وڵاتی سوێد و تورکیا به‌شداریم کرد، هه‌روه‌ها له ئاینده‌یه‌کی نزیکدا له پاڵه‌وانێتیه‌کی گرینگ له وڵاتی دانیمارک به‌شداری ده‌که‌ین که یانه‌کانی (ئه‌تله‌تیکۆ مه‌دریدی ئیسپانی و راپید ڤێنی نه‌مسا و گه‌ڵاته‌ سه‌ڕای تورکی) و له‌گه‌ڵ چه‌ند یانه‌یه‌کی دیکه‌ی ئه‌وروپی و جیهانی به‌شدارن وێڕای یانه‌ی (سترۆمس جۆدست دڕامین)ی نه‌روێژی، ئه‌مه ‌و یاریزانی تازه‌پێگه‌یشتوو ناڤه‌ند گولی له ئاستی ته‌مه‌نی 2007 یاریی ده‌کات، به‌ڵام به‌هۆی ئاست به‌رزییه‌وه‌ له‌سه‌رووی ته‌مه‌نی خۆیدا له‌لایه‌ن ڕاهێنه‌رانی یانه‌که‌ی (ستڕۆمس جۆدست) یاریی پێ ده‌که‌ن، ئه‌مه‌ش ماوه‌ بگووترێت ناوبراو ئه‌گه‌ر چی له‌ وڵاتی نه‌روێژ هاتووەته‌ ژیان،لێ له‌ بنه‌ڕه‌تدا خه‌ڵکی شارۆچکه‌ی باتیڤای سه‌ر به پارێزگای دهۆکه‌ و ماوه‌ی زیاتر له 20 ساڵ له‌گه‌ڵ خانه‌واده‌که‌ی له‌ وڵاتی نه‌روێژ ژیان به‌سه‌ر ده‌به‌ن.

 

یوونس حە‌مە‌د ـ ئۆسلۆ

© 2017 Hawler