ئایار 26, 2018

رێزی گۆڕو گۆڕستان لە كوردەواریدا

تەها غەفوور ئومەر بلی - هەولێر

تا ئێستاش گۆڕو گۆڕستان رێزی خۆیان هەیە لەناو كۆمەلگای كوردەواریدا بە تایبەتی لە هەردوو جەژنەكانی قوربان و رەمەزان كە زۆر بە پەرۆشەوە سەردانی گۆڕستانەكان دەكەن و بە تایبەتی لەوكاتەدا كاتێ مەلای عەسرێ بانگی دا خەڵكی شارو دێیەكان سەردانی قەبرەكانیان دەكەن وە بەتایبەتی لە ساڵانی زوو لە شەستەكان بەخوارەوە تا ئێستاش هەر ماوە، بەڵام تۆزێك گۆڕانكاری بەسەر داهاتووەو كەم بۆتەوە ئەو سەردەمە چۆن بووە بەو شێوەیە بوو خۆم ئەو حالەتەم دیوە لە ساڵی 1959 تاوەكو حەفتاكان زۆر بە گەرمی بووە لەكاتی عەسر و تاوەكو زۆر جار رۆژانی عەرەفە خۆشم قورئانێكم لەبن هەنگلم دائەناو دەستم دەكرد بە قورئان خوێندن و بارو گوزەرانی خەڵك بە گشتی كەم دەرامەت بوون، بەلام رۆژانی جەژن لەپشت مەلای بەیانی كە بانگی دەدا و نوێژ دەكرا هەموو خەلكی جارێكی دیكە بەرەو گۆڕستانەكان بەرێ دەكەوتن ئەو قورئانیان دەخوێند تا دەورو بەری كاتژمێر7:30 بەیانی ئینجا هەركەس دەگەرانەوە ماڵەكانی خۆیان، جا قورئان خوێنەكان هەموو بە قەبرستانەكان وەر دەبوون قەبر بە قەبر دەگەڕان دەتدیت ئافرەتێك بانگی ئەكرد دەیگووت سورەتی یاسین و تەبارەكەم لۆ بخوێنە بۆ ئەو قەبرە یان چەند قەبرێك بۆی ئەخوێند و لەبەرامبەر ئەوەدا

دەرهەمەكی وەرئەگرت، بەو شێوەیە خودای گەورە چەندی بكردایە قسمەت، من خۆم زۆر لە قەبرستانەكانم خوێندوە وەكوگۆڕستانی شێخەڵڵا و چراغ و شێخ ئۆمەر و شێخی چۆلی زۆرانی دیكە لەبیرم نەماوە ئەو ساڵی دووجار جەژنی قوربان ئێوارەكەی لەگەڵ بەیانیەكەی لەگەڵ جەژنی رەمەزان، جارەك دوو پیرەژنی ئیختیار بانگیان كردم گوتیان دوو یاسین ودوو تەبارەكەمان لۆ بخوێنە لەسەر ئەم (2) قەبرە ئەمنیش لەدڵی خۆم گۆتم باشە دەكا دوو درهەم كاتی تەواو بووم هەستام یەك لە ژنەكان (20) فلسی دامێ و گووتی خوا خێرت بنووسی گەردەنیان ئازا بكە منیش لە شەرمان ئارەقەكی زۆرم كردوو بە بێ دەنگ رۆیشتم، ئەو نەریتە كلتورێكی كوردەواری كۆنە، بەلام ئێستا زۆر كەم بووە و دەتوانین بڵێین بەرەو نەمان چوە.

© 2017 Hawler

Please publish modules in offcanvas position.