ئازار 21, 2019

خواردنی كەباب مێژووییەكی یەكجار كۆنی هەیە

كەباب، خواردنێكی بە تام و لەزەتی ڕۆژهەڵاتی ناوەڕاستە و زیاتر بە خواردنێكی میللی ئەژمار دەكرێ و لە هەموو چێشتخانەكاندا بوونی هەیە و داواكاری زۆریشی لەسەرە، ئەوەی كە زۆر جێگای هەڵوەستە لەسەركردنە ئەو خواردنە خاوەن مێژوویەكی كۆنە و زۆر ڕای جیاوازی لەبارەوە هەیە بە جۆرێك هەندێك دەڵێن خواردنێكی یۆنانیە و هەندێكی دیكە دەلێن توركیە كەچی سەرچاوەیەكی دیكە هێما بۆ ئەوە دەكات كە خەڵكی حەلەبی سوریا یەكەمین كەس بوونە كە ئەو خواردنەیان دۆزیوەتەوە، دواتر بە وڵاتانی دیكەی وەك ئیران و توركیا و میسر و قوبرس و لوبنان و فەڵەستین و وڵاتانی دیكە بڵاوبۆتەوە، بۆیە لەمبارەیەوە (دیار عوسمان) كە ساڵانێكی زۆرە وەك وەستایەكی شارەزا و لێزان لە كەبابخانەیەك كار دەكات و دەڵێ: خەڵكی زۆر حەز بە خواردنی كەباب دەكەن ئەگەرچی ئێمە تكە و جەرگ و دڵ و سنگی مریشكیش بە خەڵكی دەفرۆشین، بۆیە قسەیەكیش لە باب و باپیرانمانەوە بۆ ئێمە ماوەتەوە كە دەڵێن جاران ئەگەر یەكێك لە گوندەوە هاتبایە شاری و كەبابی نەخواردبایە پێیان دەگوت شارت نەدیوە، هەر بۆیە ئێمەی كورد هەر بە سروشت بایەخێكی زۆر بە خواردن دەدەین كە یەكێك لەو خواردنانەش كە هەمیشە میوانی سفرەكانمانە خواردنی (كەباب) ە، دیارە ئەو كەبابەی دوێنێ هەبوو لەچاو كەبابی دوێنێ جیاوازییەكی زۆری هەیە لە ڕووی نرخ و جۆری گۆشتەكەوە، كەبابیش چەند جۆرێكی هەیە كە یەكێكیان كەبابی ئاساییە و ئەوەی دیكەیان كەبابی مەحشیە كە پڕیەتی لە بیبەر و سیر و پیاز و ئەو جۆرە شتانە كە ئەوەیان داواكاری زۆری لەسەرە، هەر لە پاڵ ئەوەشدا كەبابی سینگی مریشك هەیە بۆ ئەوانەی ناتوانن لەبەر چەورییەكەی كەبابی گۆشتی ئاژەڵ بخۆن.

© 2017 Hawler