شیما مسته‌فا

د هه‌وا 16 رۆژیا به‌ره‌نگاربوونا نه‌هێلانا توندوتیژیێ دژی ئافره‌تان كۆ ساڵانه‌ ل 25 ێ نوڤمبر دهێته‌ گێران بۆ هه‌یاما 16 رۆژان لسه‌ر ئاستێ كوردستانێ ب گشتی و ل سنوورێ قه‌زا ئاكرێ بۆ ڤێ مه‌به‌ستێ چه‌ندین چالاكیێن جوراو جۆر دهێنه‌ ئه‌نجامدان بۆ پتر هوشیاكرنه‌ڤه‌یا جڤاكی به‌رامبه‌ر ئافره‌تان .

دڤی واریدا به‌رێز موقه‌ده‌مێ ماف محه‌مه‌د ئه‌مین عه‌لی،به‌رپرسێ نڤیسنگه‌ها نه‌هێلانا توندوتیژیێ دژی خێزان و ئافره‌تان ل ئاكرێ بۆمه‌ روناهی به‌ردا سه‌ر وان روودانێن ئه‌ڤساڵه‌ ل سنوورێ قه‌زا ئاكرێ هاتیه‌ تۆماركرن .ب رەنگەكێ‌ گشتی رێژا توندوتیژیێ ئەڤساڵە هەمبەر پار ساڵ كێم بوویە بەلێ‌ د هەماندەمدا ئەو ئاریشێن هاتیە تۆماركرن ئاریشێن هەمە رەنگ بوونە،وزەڵام پتر ل ئافرەتان توندوتیژیێ دروست دكەن، ئەڤساڵە پتریا ئاریشێن توندوتیژیا خێزانی ناڤبەرا هەڤژینا دابوونە .

هەموو جۆرێن توندوتیژیێ هاتینە تۆماركرن ل نڤیسنگەهێ‌ بۆ نموونە : ئازاردان، خراب بكارئینانا موبایلێ، گەف، خوسوتن، سكسی، لێدان .بەرپرسێ سەرەكێ و ژمارە 1 زەڵام و ژمارە 2 ئافرەت بووە،ئامار ب گشتی هەمبەر پارساڵ كێم بوونە .

یاسا سنورەك بۆ توندوتیژیێ دانایە تایبەت بۆ كۆشتنێ كۆ ب رەنگەكێ بەرچاڤ كێم بوویە د گەل دا هەموو جۆرێن دی سزایەك بۆ هاتیە دانان ئەڤ چەندە بۆیە ئەگەر توندوتیژی كێم بیت ژلایێ زەڵامان ڤە، بۆ ڤێ مه‌رامێ ئه‌ڤساڵه‌ چۆ یاسا نه‌هاتینه‌ هه‌مواركرن.