کانونی دووەم 27, 2021

سه نته رێ راوێژكاریا خێزانێ بویـــه هوكاره بو كێمكرنا كرنا ئاریشه یێن خێزانی

سه‌نته‌رێ راوێژكاریا خێزانی ئێكه‌ ژ پروژێن ئستراتیجی یێن رێڤه‌به‌ریا به‌رهه‌نگاربونا توندوتیژیا دژی ئافره‌تان و خێزانێ ل دهوكێ و سالا 2012ی هاتیه‌ دامه‌زراندن ژبه‌ركۆ خێزان بنیاتێ جڤاكی یه‌ ژێكڤه‌بونا خێزانێ دبیته‌ ئه‌گه‌رێ ژێكڤه‌بون و لاوازبونا جڤاكی .

 

(ماریان وردا خوشو ) به‌رپرسا سه‌نته‌رێ راوێژكاریا خێزانی یه‌ ل پارێزگه‌ها دهوكێ ل رێڤه‌به‌ریا به‌رهه‌نگاربونا توندو تیژیا دژی ئافره‌تان .لدوور كارێ سه‌نته‌ری نافهاتی بو به‌لاڤوكا( هێلین- روژناما هه‌ولێر)دبێژیت : سه‌نته‌ری راوێژكاریا خێزانی ل سالا 2012ی هاتیه‌ دامه‌زراندن و كاردكه‌ت ژبو بهێزكرن و ئێكگرتنا خێزانێ و هه‌تا نوكه‌ شیایه‌ ب رێكا كه‌سانێن شاره‌زا دبوارێ ( یاسایی و ده‌روونی وكومه‌لاتی ) هه‌روه‌سا ب خزمه‌تێن خوه‌یێن تایبه‌ت گه‌له‌ك كێشه‌ییان چاره‌سه‌ربكه‌ت ب تایبه‌ت كێشه‌یێن دناڤبه‌را هه‌ڤژینان دا و رێگری كریه‌ ل جودا بونا هه‌ژینان به‌روڤاژی وێ چه‌ندێ یاكۆ گه‌له‌ك خه‌لك خه‌له‌ت هزرتیدا دكه‌ت ژبه‌ركۆ گه‌له‌ك ئاریشه‌ مه‌ لڤی سه‌نته‌ری چاره‌كرینه‌ بێی كۆ جودابون بكه‌ڤیته‌ دناف خێزانێ دا یان خێزان بكه‌ڤیته‌ به‌ر گوتنێن كرێت یێن كومه‌لگه‌هێ..

هه‌ر ژبو زێده‌تر زانین لسه‌ر جیاوازیا رویدانێن بو ڤان سه‌نته‌ر و رێڤه‌به‌ریا دچن و

لدیف زانیاریێن باوه‌رپێكریێن بده‌ست مه‌ كه‌فتین وه‌ك به‌شێ په‌یوه‌ندی و راگه‌هاندنا ئه‌نجومه‌نێ ده‌وروبه‌رێن دهوك یێ ئێكه‌تیا ئافره‌تان ل سایتێ رێڤه‌به‌ریا گشتی یا به‌رهه‌نگاربونا توندوتیژی دژی ئافره‌تان و خێزان دیاربویه‌ .خوشبه‌ختانه‌ رێژا توندوتیژیێ ب گشتی ل سالا 2020ێ كێمتر بویه‌ ژ سالا 2019ێ

ل كوردستانێ بڤی شێوه‌یی ئامار هاتیه‌ دیاركرن (جیاوازیا شه‌ش هه‌یڤێن مه‌ها 2019ێ دگه‌ل 2020ێ

ل سالا 2019ێ / رێژا كوشتنێ (22)، خوه‌كوشتن (32 )،خوه‌سوتن (58)،سكالا( 4972)

جیاوازی دگه‌ل سالا 2020ێ/ رێژا كوشتنێ (3)، خوه‌كوشتن (13 )،خوه‌سوتن (26) سكالا( 1202) هه‌روه‌سا رویدانێن سكسی ( 47) .،

ل پارێزگه‌ها دهوكێ ژی بڤی شێوی بوینه‌ .

لدیف ئارامار( 2 ) رویدانێن كوشتنێ هه‌بوینه‌ و (7)رویدان یێن خوه‌كوشتنێ و (7) رویدان یێن خوه‌ كوشتنێ و ( 12) رویدان یێن خوه‌سوتنێ و زێده‌باری ( 970)ێ سكالا هاتینه‌ توماركرن و رێژا توندوتیژیا سكسی گه‌هشتیه‌ ( 13) رویدانان .سه‌رجه‌مێ گشتی دبیته‌ ( 1016 )رویدان .

 

رێژین نهێلی

 

© 2017 Hawler