کانونی یەکەم 13, 2019

دارێك لە پاركی منارەی شاری هەولێر هێمای گەلانی سەربەخۆخوازە

لە پاركی منارەی شاری هەولێر دارێك چانراوە كە هێمای گەلانی سەربەخۆخوازە، ئەم بە ناوی كراكۆف ناونراوە و ساڵێك پێش ئێستا لە مانگی نۆڤەمبەر لە مەراسمێكیدا چێندرا.

بیرۆكەی چاندنی ئەم لەلایەن نوێنەرایەتی حكوومەتی هەرێمی كوردستان لە وڵاتی پۆڵەندا و كۆمەڵەی دۆستایەتی كورد و پۆڵەندا داهێنرا.
هۆكاری ناونانی ئەم دارەش بەناوی كراكۆف بۆ ئەوەی دەگەرێتەوە كە شاری كراكۆف لە ڕابردوودا پەیوەندییەكی دۆستایەتی بەەێزی لە گەڵ شارەكانی كوردستان هەبووە و هەروەها چاندنی ئەم دارە لە هەرێمی كوردستان و لە شاری هەولێر هێمایە بۆ گەلانی سەربەخۆخواز، چونكە كوردەكان هاوشانی پۆڵەندییەكان راپەرنینیان كرد.
زیاد رەئوف، نوێنەری حكوومەتی هەرێمی كوردستان لە وڵات پۆڵەندا و سەبارەت بوونی داری كراكۆف لە پاركی شاری منارەی ەەولێر دەڵێت: "وادەی چاندنی ئەم دارە بە بۆنەی ساڵیادی 100 ساڵەی سەربەخۆی وڵاتی پۆڵەند بووە كە رۆژی 11 مانگی نۆفەمبەری ساڵی 2018 بوو، هەڵبژاردنی ئەو وادەیەش بۆ ئەوە دەگەڕێتەوە كە ئەو رۆژە لەلای پۆڵەندییەكان تایبەتمەندییەكی زۆری هەیە بە ڕ‌وژی نیشتمانی پۆڵەندا ناونراوە، چونكە ڕۆژی سەربەخۆیی نەتەوەیی لە پۆڵەندا كە لە 11ی نۆڤەمبەری هەموو ساڵێكە بە بۆنەی گەڕاندنەوەی دەوڵەتی پۆڵەندی (دووەم كۆماری پۆڵەندی) لە ساڵی 1918ی زایینی یاد دە كرێتەوە، دوای 123 ساڵ لە دابەشبوون لە لایەن ئیمپراتۆری ڕوسی و شانیشینی روسیا و ئیمپراتۆری هابسبورگ.
سەبارەت هۆكاری ناونانی ئەم دارەش بە شارێكی پۆڵەندی گوتی: "پێشتر پۆڵەندییەكان لە هەموو روێكەوە هاوكاریی گەلی كوردیان كردووە، لەساڵی 1991 دوای راپەرینی گەلی كوردستان وڵاتی پۆڵەندا هاوكاری مرۆیی زۆری پێشكەشی هەرێمی كوردستان كرد، دوای ئەوەیش هەماهەنگی زانكۆكانی پۆڵەندا لەگەڵ زانكۆكانی ەەرێمی كوردستان دروست بوو لەوانە زانكۆی گاگیلونیانی پۆڵەندی كە یەكەمین زانكۆ بوو كە گرێبەستی لەگەڵ زانكۆكانی هەرێمی كوردستان واژووكرد، كە وایكرد چەندین قوتابی لەم زانكۆیە بڕوانامەی بەرز بەدەست بەێنێن. بۆیە بیرۆكەی چاندنی ئەم دارەش لە شاری هەولێر بەشێكی لەو قوتابیانە بوو كە زانكۆكانی پۆڵەندا زانكۆیان تەواو كرد و بڕوانامەی بەرزیان بەدەست هێنا"

© 2017 Hawler